ТҮРКСОЙ ұйымының бастамасымен түркітілдес мемлекеттердің мәдени елордасын беру мәртебесі 2012 жылы Қазақстанның астанасынан басталды.
Еске сала кетейік, бұл туралы Өзбекстанның Хиуа қаласында өткен ТҮРКСОЙ ұйымы тұрақты кеңесінің 38-ші отырысында белгілі болған еді. Содан бері мәдени астанада түрлі фестиваль, конференция легі толассыз өтуде. Ал күні кеше Түркияның Бурса қаласында ТҮРКСОЙ ұйымының Наурыз мейрамына арналған екі апталық мерекелік шарасы аясында мәдени астананың ресми ашылуы өтті, деп хабарлайды Almaty-akshamy.kz Qazaqtv.com сайтына сілтеме жасап.
Халықаралық ұйымның бас хатшысы Дүйсен Қасейіновтің айтуынша, белгілі бір мекенді мәдени астана деп тану тарихи қалаларымыздың қайта жаңғыруына, олардың әлемге басқаша бейнеде танылуына мүмкіндік береді.
«Еуропаның мәдени астанасы» деген атау берілгелі 40 жылдай уақыт болды. Біз 2012 жылы бастадық. Түркі әлемінің мәдени астанасы деп жариялағаннан кейін, түрлі санат адамдары келіп, білім, көптеген өнер ұжымы, оған қоса фестивальдер өткендігі қалаға үлкен жарнама болды. Қандай әдемі, бай болса да, туристер келмесе, бір-біріне айтып ұсынбаса, ол қалаларды ешкім танымайды», - дейді халықаралық «ТҮРКСОЙ» ұйымының бас хатшысы Дүйсен Қасейінов.