2025 жылғы 10 қазанда Алматы қаласында «Әлеуметтік қорғау жүйесінің үздік қызметкері және үздік әлеуметтік жоба» республикалық конкурсының өңірлік кезеңіне қатысушыларды іріктеу жөніндегі комиссия отырысы өтті.
Байқауға түрлі номинациялар бойынша 31 үміткердің өтінімдері қабылданып, онлайн дауыс беру және материалдарды зерделеу нәтижесінде өңірлік кезеңнің жеңімпаздары анықталды, - деп хабарлайды Aqshamnews.kz.
Өңірлік кезең жеңімпаздары:
Номинация: «Үйде күтім көрсету ұйымының үздік әлеуметтік қызметкері»
Жеңімпаз: Гүлнұр Елеусізқызы Нұрмағамбетова - «Аяла» әлеуметтік қызметтер орталығы» коммуналдық мемлекеттік мекемесінің әлеуметтік қызметкері
Номинация: «Үздік әлеуметтік педагог»
Жеңімпаз: Раушан Жетесқызы Домақбай - «Аяла» әлеуметтік қызметтер орталығы» КММ логопед маманы
Өңірлік кезеңде үздік деп танылған мамандар республикалық байқауға жолдама алып, Қазақстан Республикасының Еңбек және халықты әлеуметтік қорғау министрі Светлана Жақупованың атынан құрмет грамоталарымен марапатталды.
Салтанатты марапаттау рәсімі 2025 жылғы 24 қазанда Астана қаласында, «Hilton» қонақ үйінің конференц-залында өтті.
Бұл марапат - әлеуметтік сала қызметкерлерінің адал еңбегі мен адамдарға деген шынайы жанашырлығының жоғары бағасы.
«Аяла» әлеуметтік қызмет орталығы ұжымы өз мамандарының жетістіктерін мақтан тұтады және әлеуметтік қолдау жүйесін дамыту жолындағы еңбектерін жоғары бағалайды.