Батыстың бас басылымы

Батыстың бас басылымы almaty-akshamy.kz

«Атырау» газетіне – 100 жыл


Алғашқы саны 1923 жылы «Ерік» деген атаумен жарық көрген басылым осы аралықта «Құрмет белгісі» орденімен марапатта­лып, Бүкілодақтық сыйлыққа да ие болған. Ғасырлық мерейтой­ға орай Атырау қаласында ауқымды жиын өтті. Оған елге таны­мал қаламгерлер мен ардагер журналистер, сондай-ақ Алматыдан арнайы барған «Alatau Аqparat» медиахолдингінің Бас директоры Ержан Қалымбайұлы қатысты.


Газеттің алғашқы саны «Ерік» деген атаумен 1923 жылы сәуірдің 1-і күні шық­ты. 1924 жылы 23 тамыз – «Жұмыскер тілі», 1930 жылдың қыркүйегінен «Жем жұмыс­шылары», 1932 жылғы сәуірден – «Ленин жолы», 1933 жылғы қыркүйектен – «Социа­листік құрылысқа», 1933 жылғы 5 қара­шадан – «Социалды құрылыс», 1963 жыл­дың мамырынан – «Коммунистік еңбек» деген атаумен, ал 1990 жылғы маусымның 30-ынан бері «Атырау» деген атаумен шы­ғып келеді. Ұзақ жыл бойы аптасына 5 рет шыққан газет соңғы жылдары аптасына үш рет шығады.



«Атырау» газеті – еліміздің батыс өл­кесіндегі алғашқы ұлттық басылымдардың бірі. Газеттің негізін қалап, материалдық базасын жасақтап, алғашқы нөмірлерін шығарған – 1923 жылы Гурьев уездік пар­тия комитетінің бірінші хатшысы болған Төлепкерей Өтеулиев. Газеттің алғашқы санындағы бас мақаланың авторы да сол кісі еді. «Тірлік осымен табылады» деп аталған мақалада негізгі ой «Халықтың оқу-білімінің маңызы, ерікті ел болудың басты шарты – оның сауаттылығында» дегенге саяды. Облыстық газет өзінің бүкіл тарихында осы ойды жан-жақты насихаттаумен келеді. 2000 ж. басында газет таралымы 10 мың болса, бүгінде та­ралым 26 мыңнан асты.



Үнқағаз тарихы өте бай. Кезінде Әбу Сәрсенбаев, Асқар Тоқмағамбетов, Сәбит Мұқанов, Ғабдол Сланов, Хамит Ерға­лиев, Жұмекен Нәжімеденов, Берқайыр Аманшин мақала-өлеңдері мен әңгіме­лерін жолдап тұрған. Газетте Тауман Амандосов, Меңдекеш Сатыбалдиев, Фа­риза Оңғарсынова, Марат Ысқақов, Берік Қорқытов, Аманқос Ершуов сынды белгілі әдебиетші, жазушылар жұмыс істеп, қа­наттанды. Нұриден Мұфтахов, Тілек Дәу­летов, Ізімберген Ісхожин сынды респуб­ликаға танымал журналистер, әлем классиктерін қазақ, қарақалпақ тілдеріне алғашқы аударған Жүсіп Жантөрин, Қы­дырғали Сасықов сынды ертеде елге та­нылған аудармашылар жұмыс істеді.

Сіздің реакцияңыз?
Ұнату
0
Ұнамайды
0
Күлкілі
0
Шектен шыққан
0
Соңғы жаңалықтар

15:53

15:46

15:29

15:28

15:23

15:18

14:26

14:23

14:20

14:13

14:01

13:40

13:29

12:58

12:33

12:20

12:19

12:14

11:16

10:42

10:36

10:34

10:16

10:06

09:59