ون ءبىر كۇدىكتى 2 اي مەرزىمگە قاماۋعا الىندى، ال ۇشەۋىنە قاتىستى ءۇيقاماق تۇرىندەگى بۇلتارتپاۋ شاراسى تاڭدالدى، دەپ حابارلايدى aqshamnews.kz قارجىلىق مونيتورينگ اگەنتتىگىنىڭ مالىمەتىنە سىلتەمە جاساپ.
ادامدارعا زەينەتاقى جيناعىن زاڭسىز شىعارۋعا كومەكتەسكەن ستوماتولوگيالىق كلينيكالاردىڭ باسشىلارى مەن وزگە دە ادامدارعا قاتىستى تەرگەۋ ءجۇرىپ جاتىر.
زەينەتاقى جيناقتارى ستوماتولوگيالىق قىزمەتتەر كورسەتۋ تۋرالى فورمالدى شارتتار جاساسۋ جانە كەيىننەن جالعان مەديسينالىق قۇجاتتار ۇسىنۋ ارقىلى شىعارىلعان.
"بۇل كومەك ءۇشىن كۇدىكتىلەر الىنعان قاراجاتتىڭ 10%-دان 20%-عا دەيىنگى مولشەرىندە زاڭسىز سىياقى ۇستاپ وتىرعان. قىلمىستىق سحەماعا 42 ستوماتولوگيالىق كلينيكا تارتىلعان. جالپى سوماسى 200 ملرد تەڭگەدەن استام قاراجات شىعارىلعان"، - دەيدى اگەنتتىكتە.
قىلمىستىق جولمەن الىنعان تابىستارعا كۇدىكتىلەر ەليتالىق جىلجىمالى جانە جىلجىمايتىن مۇلىك ساتىپ الىپ، سونداي-اق جاسىرۋ ماقساتىندا ءۇشىنشى تۇلعالاردىڭ اتىنا راسىمدەپ، جاڭا ستوماتولوگيالىق كلينيكالار اشقان.
ون ءبىر كۇدىكتى 2 اي مەرزىمگە قاماۋعا الىندى، ال ۇشەۋىنە قاتىستى ءۇيقاماق تۇرىندەگى بۇلتارتپاۋ شاراسى تاڭدالدى.
سونىمەن قاتار جۇيەلى تۇردە زاڭسىز سىياقى الۋ ءۇشىن مەديسينالىق مەكەمەلەردىڭ دارىگەرلەرى دارىگەرلىك-كونسۋلتاسيالىق كوميسسيالاردىڭ جالعان قورىتىندىلارىن بەرگەن. كۇدىكتىلەردەن الىنعان قاراجاتتىڭ جالپى سوماسى 30 ملن تەڭگە.
بۇل فاكتىلەر بويىنشا سوتقا دەيىنگى تەرگەپ-تەكسەرۋلەر باستالدى.
بۇعان دەيىن حابارلانعانداي، ءوز زەينەتاقى اۋدارىمدارىن العان ازاماتتار قىلمىستىق قۋدالاۋ اياسىنا تۇسپەيدى.