ۇقك ءۇش وڭىردە ارنايى وپەراسيا وتكىزدى

قازىرگى ۋاقىتتا جەدەل تەرگەۋ امالدارى جۇرگىزىلىپ جاتىر.

ۇلتتىق قاۋىپسىزدىك كوميتەتى ەلىمىزدىڭ ءارتۇرلى وڭىرلەرىندە ءىرى كولەمدە كوكنار شيكىزاتىن ساتۋ قىلمىسىنا قاتىسى بار ەسىرتكىمەن اينالىساتىن توپتىڭ زاڭعا قايشى ىس-ارەكەتىن اشكەرەلەدى، دەپ حابارلايدى Almaty-akshamy.kz.

جەدەل زەردەلەۋ جۇمىسىنىڭ ناتيجەسىندە پەتروپاۆل قالاسىندا ەسىرتكى قىلمىسىنا قاتىستى توپتىڭ كومەكشىلەرى ۇستالىپ، 5،5 تونناعا جۋىق اتالعان اپيىن ءتۇرى تاركىلەندى.

وسى وپەراسيانىڭ ەكىنشى كەزەڭى بارىسىندا وسكەمەن قالاسىندا 1 توننا كوكنار شيكىزاتىن الۋ ۇستىندە ەسىرتكى كۋرەرى ۇستالدى. ءدال وسى ۋاقىتتا قاراعاندى قالاسىندا جالعا العان قويمالاردا 10 توننادان اسا ەسىرتكى شيكىزاتىن ساقتاپ كەلگەن ەسىرتكى قىلمىسىنا قاتىستى توپتىڭ ۇيىمداستىرۋشىلارى ۇستالدى.

ءتىنتۋ شارالارى بارىسىندا ەسىرتكى قىلمىسىنا قاتىستى توپ قاتىسۋشىلارىنان سۋىق قارۋ مەن ءىرى كولەمدە اقشالاي زاتتار تابىلىپ، تاركىلەندى. 

الدىن الا تەرگەۋ انىقتاعانداي، اتالعان اپيىن تاماق ونىمدەرى تۇرىندە شەتەلدەن قازاقستان اۋماعىنا كىرگىزىلىپ، ەسىرتكىگە تاۋەلدى ورتادا ساۋدالانعان.

جالپى، قولعا تۇسكەن ەسىرتكى كولەمى 16 توننادان استى. قازىرگى ۋاقىتتا جەدەل تەرگەۋ امالدارى جۇرگىزىلىپ جاتىر.