تۇركىستان وبلىسىندا پوليسيا ءوز اكەسىن اياۋسىز ۇرعان ەر ادامدى ۇستادى، - دەپ حابارلايدى اqshamnews.kz.
بۇل تۋرالى وبلىستىق پوليسيا دەپارتامەنتىنىڭ باسپا ءسوز قىزمەتى مالىمدەدى.
الەۋمەتتىك جەلىلەردە ءبىر ادامنىڭ ەكىنشى ادامعا كۇش كورسەتىپ جاتقان ۆيدەو تاراعان ەدى.
"وقيعا بويىنشا قىلمىستىق ءىس قوزعالدى. كۇدىكتى ۇستالىپ، ۋاقىتشا ۇستاۋ يزولياتورىنا قامالدى. جاعدايدىڭ بارلىق ءمان-جايى انىقتالىپ جاتىر"، – دەلىنگەن حابارلامادا.
سونداي-اق، قاجەت جەدەل-تەرگەۋ ءىس-شارالارى جۇرگىزىلىپ جاتقانى جانە ولاردىڭ ناتيجەسى بويىنشا ءتيىستى شەشىم قابىلداناتىنى حابارلاندى.
"قىلمىستىق-پروسەستىك كودەكستىڭ 201-بابىنا سايكەس، تەرگەۋ مۇددەسىنە بايلانىستى باسقا اقپارات جاريالانبايدى"، – دەپ تولىقتىردى ۆەدومستۆونىڭ باسپا ءسوز قىزمەتى.