اراسىندا كامەلەتكە تولماعاندار دا بار.
وزودي راديوسىنىڭ مالىمەتىنشە، ولار ناۋرىز مەيرامى تويلانىپ جاتقان دۋشانبە قالاسىندا تەراكت جاساعىسى كەلگەن، دەپ حابارلايدى Almaty-akshamy.kz
29 ناۋرىزدا «ازيا-پليۋس» مەديا توبى مەن Reuters اگەنتتىگى ماسكەۋ وبلىسىنداعى «كروكۋس سيتي حولل» كونسەرت ورتالىعىنداعى تەراكتىگە قاتىسى بار دەگەن كۇدىككە ىلىنگەن 9 ادامنىڭ ۇستالعانىن حابارلادى. بۇل مالىمەتكە رەسمي ورىندار تۇسىنىك بەرۋدەن باس تارتتى.
مالىمەتكە قاراعاندا، كۇدىكتىلەر – ۆاحدات، روگۋن مەن نۇرەك قالالارىنىڭ تۇرعىندارى. ولاردىڭ ءبارى ناۋرىز مەرەكەسى الدىندا ۇستالعان. قامالعاندار اراسىندا جاسى كامەلەتكە تولماعاندار دا بار.
«تەراكت 24 ناۋرىزدا دۋشانبەنىڭ حالقى ناۋرىز مەيرامىن قىزۋ تويلاپ جاتقان كەزدە بولۋى كەرەك ەدى. كۇدىكتىلەر تەراكت جاساۋعا بارىنشا دايىندالان. ولار حالىق كوپ جينالاتىن جەردى تاڭداپ، جارىلىس جاساعىسى كەلگەن. ءبىراق ىشكى ىستەر مينيسترلىگى، مەملەكەتتىك ۇلتتىق قاۋىپسىزدىك كوميتەتىنىڭ ارنايى جاساعى تەراكتىنىڭ الدىن الىپ، كۇدىكتىلەردى ۇستاعان سوڭ، ناۋرىز مەيرامى كەلەسى كۇنى اتاپ وتىلگەن»، دەپ حابارلادى وزودي راديوسى.
ىشكى ىستەر ءمينيسترى رامازون راحيمزودانىڭ ايتۋىنشا، بىلتىردان بەرى ەلدە 11 ۇيىمداسقان قىلمىستىق توپ پەن 55 ادام ۇستالعان. ولاردىڭ كوبى تەراكت جاساۋعا كۇدىكتى رەتىندە قولعا تۇسكەن.