6 قاڭتار كۇنى الماتى وبلىسىندا الماتى-بىشكەك تاسجولىنىڭ 86-شاقىرىمىندا جول-كولىك وقيعاسى بولدى، - دەپ حابارلايدى Aqshamnews.kz.
Toyota Alphard ماركالى مينيۆەندى باسقارعان 33 جاستاعى جۇرگىزۋشى كولىكتى يگەرە الماي، جولدان شىعىپ اۋدارىلعان. جۇرگىزۋشى وقيعا ورنىندا كوز جۇمدى.
كولىكتە بارلىعى بەس جولاۋشى بولعان. ولاردىڭ تورتەۋى - وڭتۇستىك قازاقستان مەديسينا ۋنيۆەرسيتەتىنىڭ ستۋدەنتتەرى، بىرەۋى - تۋريست. ولار شىمكەنتتەن الماتىعا بەت العان.
الماتى وبلىستىق پوليسيا دەپارتامەنتىنىڭ مالىمەتىنشە، ەكى جولاۋشى - ءۇندىستان ازاماتتارى اۋرۋحانادا العان جاراقاتتارىنان قايتىس بولعان. تاعى ءۇش ادام اۋىر حالدە اۋرۋحاناعا جەتكىزىلىپ، ءقازىر جانساقتاۋ بولىمىندە جاتىر.
اتالعان دەرەك بويىنشا تەرگەۋ جۇرگىزىلىپ جاتىر.
قازاقستانداعى ءۇندىستان ەلشىلىگى ستۋدەنتتەردىڭ قازا تاپقانىن راستادى. ديپلوماتيالىق وكىلدىك مارقۇمداردىڭ وتباسىلارىنا كوڭىل ايتىپ، زارداپ شەككەندەردىڭ تۋىستارىمەن بايلانىستا ەكەنىن جانە قازاقستاندىق بيلىك ورگاندارىمەن بىرلەسىپ جۇمىس ىستەپ جاتقانىن حابارلادى.
ايتا كەتەيىك، Toyota Alphard ماركالى كولىك جول اپاتىنا العاش رەت ءتۇسىپ وتىرعان جوق. جۇرگىزۋشىلەردىڭ جىلدامدىقتى اسىرۋى، شامادان تىس شارشاۋى جانە باقىلاۋدىڭ السىزدىگى سالدارىنان بۇل مينيۆەندەر حالىق اراسىندا "ءولىم كولىگى" اتانىپ كەتكەن.