قازاقستاندا جۇزەگە اسىپ جاتقان جەكەشەلەندىرۋ ساياساتى ەل ەكونوميكاسىنىڭ دامۋىمەن قاتار الەۋمەتتىك ماسەلەلەردىڭ ءتۇيىنىن تارقاتۋعا سەپ بولادى، دەپ حابارلايدى Almaty-akshamy.kz
بۇل – وتاندىق ەكونوميست ساپارباي جوبايەۆتىڭ پىكىرى. ساراپشىنىڭ پايىمىنشا، اكتيۆتەردى باسەكەلەستىك ورتاعا بەرۋ شوب-تىڭ دامۋىنا جول اشادى. جەكە كاسىپكە ينۆەستيسيا كوبىرەك تارتىلاتىن بولادى.
وڭدەۋ ونەركاسىبى دامىپ، سالا ءارتاراپتاندىرىلادى. ەسەسىنە ازاماتتاردىڭ ءال-اۋقاتى ارتىپ، جاڭادان جۇمىس ورىندارى قۇرىلادى.
«مەملەكەتتىڭ ەكونوميكاداعى ۇلەسىن ازايتۋ ونىڭ تيىمدىلىگىن ارتتىرادى»، – دەپ سانايدى مامان.
بۇل رەتتە جاقىندا مەملەكەت باسشىسىنىڭ ءتيىستى ورگاندارعا جەكەشەلەندىرۋدى جۇيەلى جانە اشىق جۇرگىزىپ، شەشىمدەردىڭ ايقىن بولۋىن قامتاماسىز ەتۋدى جۇكتەگەن تاپسىرماسىن تىلگە تيەك ەتتى.
«مۇنىڭ بارلىعى، سايىپ كەلگەندە، الەۋمەتتىڭ ءال-اۋقاتىن اسىرۋعا جاسالىپ جاتقان يگى قادام»، – دەيدى ەكونوميست.
«بۇگىنگى بيلىكتىڭ، پرەزيدەنتىمىزدىڭ قادام الىسى دۇرىس. سەبەبى «سامۇرىق-قازىنانى» شەكتەپ، جەكەشەلەندىرۋ ماسەلەسىن قوزعادى. داۋلەتتى ادامداردىڭ الەۋمەتتىك جاۋاپكەرشىلىگىن تالاپ ەتىپ جاتىر. وسى ماسەلەنى ءبىز اقىرىنداپ جۇزەگە اسىرامىز»، - ەكونوميست ساپارباي جوبايەۆ.