الەمدە 10 جىلدا ءبىر رەت بولعان قۇرعاقشىلىق بۇگىندە 1،9 ەسەگە ارتىپ وتىر. ارينە سۋ تاپشىلىعى الەمدىك ەكونوميكاعا وراسان زور شىعىن اكەلەتىنى ءسوزسىز. بۇل ماسەلەگە ءبىزدىڭ وتاندىق عالىمدار دا بەيجfي قارامايدى.
ويتكەنى سۋ تاپشىلىعى 2030 جىلعا قاراي الەمدەگى ەڭ كۇردەلى ماسەلەلەردىڭ ۇشتىگىنە قالىپ قويۋى مۇمكىن، دەپ حابارلايدى Almaty-akshamy.kz عىلىم جانە جوعارى ءبىلىم مينيسترلىگىنىڭ باسپا ءسوز قىزمەتىنە سىلتەمە جاساپ.
بۇگىندە م.اۋەزوۆ اتىنداعى ءوقۋ-نىڭ عالىمدارى اتموسفەراعا تەرىس زاريادتى يونداردى جىبەرىپ، اشىق اسپانعا بۋداق بۇلتتاردى جيناۋعا بولاتىن تەحنولوگيانى ۇسىندى. ناتيجەسىندە جاڭبىردى قاجەتتى مولشەردە جاۋعىزىپ، كليماتتى رەتتەۋگە مۇمكىندىك تۋادى.
ءقازىر سۋ تاپشىلىعى مەن قۇرعاقشىلىقتى جوياتىن يننوۆاسيالىق تەحنولوگيا سىناقتان ءوتىپ جاتىر. مۇنداي تەحنولوگيالار بۇگىندە يران، پاكىستان سىندى مەملەكەتتەردىڭ شولەيتتى ايماعىندا قولدانىلىپ وتىر.
جوبا اۆتورلارىنىڭ ايتۋىنشا، كليماتتى وزگەرتۋگە ارنالعان تەحنولوگيالىق قوندىرعى الەم ەلدەرىندە سىناقتان ءساتتى وتكەن. يران، پاكىستان سىندى مەملەكەتتەردىڭ شولەيتتى ايماعىندا مۇنداي تەحنولوگيالار قولدانىلىپ وتىر.
م.اۋەزوۆ اتىنداعى ءوقۋ-نىڭ پروفەسسورى، تەحنيكا عىلىمدارىنىڭ دوكتورى، ق ر مەملەكەتتىك سىيلىعىنىڭ لاۋرەاتى ناعيما جاقىپبەكوۆانىڭ ايتۋىنشا، بۇگىنگى كۇنى ارمەنيا جانە گرۋزيا مەملەكەتتەرىنىڭ پروفەسسور-عالىمدارىمەن بىرلەسىپ، سۋ كوزدەرىن سەوليت قوسپاسىمەن قايتا وڭدەۋ تەحنولوگياسىن ەنگىزۋ جوسپارلانىپ وتىر.