قۇرعاقشىلىقتان زارداپ شەككەن قازاقستاندىق فەرمەلەر ساقتاندىرۋ تولەمدەرىن الىپ جاتىر

ساقتاندىرۋ تولەمدەرىنىڭ سوماسى 729 ملن تەڭگە قۇرايدى. 

قازاقستاننىڭ سولتۇستىك ايماقتارىنداعى ىلعال جەتىسپەۋشىلىگى سالدارىنان زارداپ كورگەن شارۋالار ساقتاندىرۋ تولەمدەرىن الىپ جاتىر، دەپ حابارلادى Almaty-akshamy.kz.

اۋىل شارۋاشىلىعى سالاسىنداعى مامانداردىڭ ايتۋىنشا، ۇزاققا سوزىلعان قۇرعاقشىلىقتىڭ سالدارىنان ەگىستىك القاپتارى ايتارلىقتاي زارداپ شەكتى.   

«قۇرعاقشىلىق فاكتىلەرى Qoldau.kz سايتىندا Agroinsurance جۇيەسىمەن سپۋتنيكتىك دەرەكتەر نەگىزىندە اۆتوماتتى تۇردە تىركەلەدى. وسىلايشا ساقتاندىرۋ جاعدايلارى تىركەلىپ، ساقتاندىرۋ كەلىسىمشارتىنا وتىرعان فەرمەرلەر ساقتاندىرۋ تولەمدەرىن الىپ جاتىر»،– دەلىنگەن اۋىل شارۋاشىلىعى مينيسترلىگىنىڭ باسپا ءسوز قىزمەتىنىڭ حابارلاماسىندا. 

قازاقستاندىق شارۋالار تولەمدەردى ءۇش فازا بويىنشا العان. جالپى، ءۇش فازا بويىنشا ساقتاندىرۋ تولەمدەرىنىڭ سوماسى 729 ملن تەڭگە قۇراعان. بۇل سوما فەرمەرلەردىڭ ساقتاندىرۋ پوليستەرىنە جۇمساعان شىعىندارىن 565،5 ميلليون تەڭگەگە اسقان (729 مىڭ تەڭگە – 159،5 ملن تەڭگە). 

رەسمي مالىمەت بويىنشا، اعىمداعى جىلى ساقتاندىرۋ كومپانيالارى توپىراق ىلعالدىلىعى تاپشىلىعىنىڭ يندەكستى ساقتاندىرۋ بويىنشا جاسالعان 100 كەلىسىمشارت اياسىندا جەتى وبلىستا جانە ەلوردادا 121،3 مىڭ گا اۋماقتى ساقتاندىرلعان. بۇل كەلىسىمشارتتار بويىنشا ساقتاندىرۋ سىيلىقاقىلارىنىڭ كولەمى 319 ميلليون تەڭگەنى قۇراعان، ونىڭ 159،5 ميلليون تەڭگەسىن فەرمەرلەر تولەگەن، ال 159،5 تەڭگەنى اۋىل شارۋاشىلىعىن ساقتاندىرۋ سالاسىنداعى وپەراتور بولىپ تابىلاتىن اۋىل شارۋاشىلىعىن قارجىلاي قولداۋ قورى تولەگەن.