قمدب مەشىت ادەبىن ساقتاماعان قىزعا قاتىستى تۇسىنىكتەمە بەردى

كۇزەتشىلەر ونى مەشىت اۋلاسىنان شىعارۋعا ءماجبۇر بولعان

قمدب مەشىت ادەبىن ساقتاماعان قىزعا قاتىستى تۇسىنىكتەمە بەردى، دەپ حابارلايدى Almaty-akshamy.kz قمدب جانىنداعى رەسپۋبليكالىق باس مەشىتتىڭ باسپا ءسوز قىزمەتىنە سىلتەمە جاساپ.
21 تامىزدا ساعات 18:48-دە قازاقستان مۇسىلماندارى ءدىني باسقارماسى جانىنداعى رەسپۋبليكالىق باس مەشىتكە كەلگەن قىز قۇلشىلىق ءۇيىنىڭ ىشكى ءتارتىبى مەن ادەبىن ورەسكەل بۇزىپ، يمام جۇمىسىنا، ناماز وقۋشىلاردىڭ قۇلشىلىعىنا كەدەرگى كەلتىردى.
ءدىن قىزمەتكەرلەرى وعان مەشىت ادەبى تۋرالى ءتۇسىندىردى. الايدا يمام كەڭەسىنە باعىنباعان ول «مەن ءماھديمىن، ونى وسى جاردە دالەلدەۋىم كەرەك» دەپ قارسىلىق تانىتقان. مەشىت قىزمەتكەرلەرى ەر ازاماتتار ناماز وقيتىن ورىنعا ايەلدەردىڭ كەلۋىنە بولمايتىنىن جەتكىزىپ، ونى سىرتقا شىعارۋعا ءماجبۇر بولادى. ول مەشىت اۋلاسىندا ەرسى ارەكەتتەر جاساپ، كۇزەتشىلەردىڭ ەسكەرتۋىنە قۇلاق اسپاعان. كۇزەتشىلەر ونى مەشىت اۋلاسىنان شىعارۋعا ءماجبۇر بولعان.

«مەشىتتە ادەپ ساقتاماعان قىزدىڭ جەكە تۇلعاسىنا قاتىستى مالىمەت جوق. وسى رەتتە مەشىتكە كەلۋشى ازاماتتاردى قۇلشىلىق ۇيىندە قاراپايىم ادامگەرشىلىك ادەپتەردى ساقتاۋعا شاقىرامىز» دەپ جازدى قمدب جانىنداعى رەسپۋبليكالىق باس مەشىتتىڭ باسپا ءسوز قىزمەتى.