بۇگىن قازاقستاننىڭ ۋكرايناداعى ەلشىسى دارحان كالەتايەۆ ازاماتتارىمىزدى ەلگە جەتكىزۋ ءۇشىن قابىلدانعان شارالار جونىندە ەسەپ بەردى.
اقوردا باسپا ءسوز حاتشىسى بەرىك ءۋاليدىڭ ايتۋىنشا، ازاماتتارىمىزدى ۋكراينادان الىپ كەلۋگە قاتىستى ماسەلە پرەزيدەنت قاسىم-جومارت توقايەۆتىڭ جەكە باقىلاۋىندا، دەپ حابارلايدى Almaty-akshamy.kz
«پرەزيدەنت قاسىم-جومارت توقايەۆ قازاقستان ازاماتتارىن ۋكراينادان ەۆاكۋاسيالاۋعا قاتىستى جاعدايدى ءجىتى قاداعالاپ وتىر. بۇگىن قازاقستاننىڭ ۋكرايناداعى ەلشىسى دارحان كالەتايەۆ مەملەكەت باسشىسى قاسىم-جومارت توقايەۆقا ازاماتتارىمىزدى ەلگە جەتكىزۋ ءۇشىن قابىلدانعان شارالار جونىندە ەسەپ بەردى. جالپى، مەملەكەت باسشىسى سىرتقى ىستەر مينيسترلىگىنىڭ، ەلشىلىكتەر قىزمەتكەرلەرىنىڭ جانە قازاقستاننىڭ ۋكراينا مەن پولشاداعى قۇرمەتتى كونسۋلدارىنىڭ ءتۇرلى قيىندىقتارعا قاراماي، اتقارىپ جاتقان جۇمىستارىن وڭ باعالايدى. قازىرگى ۋاقىتتا ق ر ۇكىمەتى كاتوۆيسە (پولشا) – اتىراۋ – الماتى باعىتى بويىنشا رەپاترياسيالىق رەيستەردى ۇيىمداستىرۋ ماسەلەسىن پىسىقتادى. قازاقستان ازاماتتارىن ەلگە جەتكىزەتىن ءبىرىنشى رەيس بۇگىنگە جوسپارلانعان»، - دەپ حابارلادى بەرىك ءۋالي دۇيسەنبىدە.