ەڭ كوپ دەمالاتىن كۇندەر قاڭتار مەن ناۋرىز ايلارىنا سايكەس كەلىپ تۇر.
جىلدىق كۇنتىزبە بويىنشا 365 كۇننىڭ 245ء-ى جۇمىس كۇنى بولىپ سانالادى. بۇل بەس كۇندىك جۇمىس اپتاسىنا بايلانىستى ەسەپتەلدى، دەپ حابارلايدى اlmaty-akshamy.kz قازاقپاراتقا سىلتەمە جاساپ.
قازاقستاندىقتاردىڭ ەڭ كوپ دەمالاتىن مەرزىمى (12 كۇن) قاڭتار مەن ناۋرىز ايلارىنا كەلەدى. ال اقپان مەن قاراشادا - 8 كۇن. «قازاقستان رەسپۋبليكاسىنداعى مەرەكەلەر تۋرالى» زاڭ بويىنشا، جاڭا جىل مەملەكەتتىك مارتەبەسى بار مەيرام بولىپ ەسەپتەلەدى.
جىل ىشىندەگى دەمالىس كۇندەرىن بىلاي ءبولىپ كورسەتۋگە بولادى:
- قاڭتاردا جاڭا جىلعا 3 كۇن - 1، 2 جانە 3 قاڭتار؛
- ناۋرىزدا 3 كۇن - 21، 22 جانە 23 ناۋرىز؛
- ءساۋىر مەن مامىردا قازاقستان حالقىنىڭ بىرلىگى كۇنىنە 3 كۇن - 29، 30 ءساۋىر جانە 1 مامىر، سونداي-اق وتان قورعاۋشىلار كۇنى مەن جەڭىس كۇنىنە 4 كۇن - 6، 7، 8 جانە 9 مامىر؛
- شىلدەدە جۇمىس كۇنى سەنبىگە اۋىستىرىلاتىندىقتان، 4 كۇن دەمالىس بولادى - 6، 7، 8 جانە 9 شىلدە؛
- جەلتوقساندا تاۋەلسىزدىك كۇنىنە 3 كۇن - 16، 17 جانە 18 جەلتوقسان. سەبەبى 16 جەلتوقسان سەنبىگە سايكەس كەلەدى.
2023 جىلى روجدەستۆو مەرەكەسىنە قوسىمشا دەمالىس بەرىلمەيدى. سەبەبى ءدىني مەرەكە سەنبىگە نەمەسە جەكسەنبىگە سايكەس كەلسە، دەمالىس كەلەسى كۇنگە اۋىسپايدى.
قۇربان ايت 28 ماۋسىمدا باستالادى.