ءقازىر ۇن مەن استىقتى ىشكى نارىققا ساتقىسى كەلمەيتىندەر كوپ.
قازاقستان ۇكىمەتى استىق پەن ۇن ەكسپورتىنا شەكتەۋ ەنگىزۋ ماسەلەسىن قاراپ جاتىر، دەپ حابارلايدى Almaty-akshamy.kz Almaty.tv سىلتەمە جاساپ.
بۇل تۋرالى اۋىل شارۋاشىلىعى ءمينيسترى مالىمدەدى. ەربول قاراشوكەيەۆتىڭ ايتۋىنشا، ءقازىر ۇن مەن استىقتى ىشكى نارىققا ساتقىسى كەلمەيتىندەر قاتارى كوپ. سەبەبى شەتەلدەرگە ەكسپورتتاۋ ارقىلى جوعارى باعاعا وتكىزگىسى كەلەدى. سونداي-اق، مينيستر ءبىزدىڭ استىق بالانسىمىز جاقسى. ىشكى نارىقتا تۇتىنۋعا دا جانە ەكسپورتتاۋعا دا جەتەتىنىن ايتتى.
«ەكسپورتتاۋشىلار ىشكى نارىققا ساتقىسى كەلمەيدى. باعانىڭ كوتەرىلۋىن كۇتىپ وتىر. مۇندا ۇن وندىرۋشىلەر مەن استىق وندىرۋشىلەر اراسىندا كەلىسىم بولماي تۇر. ەكسپورتقا ءتيىستى شەكتەۋ ەنگىزىلەدى. سوندا ەكسپورتتاۋشىلار ءونىمنىڭ بەلگىلى ءبىر بولىگىن ىشكى نارىققا جىبەرۋگە ءماجبۇر بولادى»، – دەدى ق ر اۋىل شارۋاشىلىعى ءمينيسترى ەربول قاراشوكەيەۆ.