قازاقستان ۆاكسينالاردىڭ قانشا دوزاسىن ساتىپ الدى؟ بۇل ساۋالعا ق ر دەنساۋلىق ساقتاۋ ءمينيسترى الەكسەي سوي جاۋاپ بەردى، دەپ حابارلايدى almaty-akshamy.kz
«جالپى، ءبىز ۆاكسينانىڭ بىرنەشە تۇرىنە كەلىسىمشارتقا قول قويعانبىز. «سپۋتنيك V» بويىنشا 14 ملن 280 مىڭ دوزا، Hayat-Vax 1 ملن دوزا، QazVac 2،97 ملن دوزا، Sinovac 500 مىڭ دوزا ساتىپ الىندى جانە 4 ملن دوزا Sinofarm جەتكىزىلەدى دەپ كۇتىپ وتىرمىز»، - دەدى مينيستر ورتالىق كوممۋنيكاسيالار قىزمەتىندەگى باسپا ءسوز ءماسليحاتى بارىسىندا ب ا ق وكىلدەرىنىڭ ساۋالىنا وراي.
ونىڭ اتاپ وتۋىنشە، بيىل حالىقتى يممۋنيزاسيالاۋ ءۇشىن ۆاكسينا ساتىپ الۋعا 95،3 ملرد تەڭگە جۇمسالدى. ياعني 10 ملن 890 مىڭ ادامعا ەكپە جاساۋ ءۇشىن وسىنشاما قارجى شىعىندالىپ وتىر. سونىمەن قاتار الەكسەي سوي الداعى ۋاقىتتا ۆاكسينا باعاسى تومەندەيتىندىگىن، كەلەسى توپتامانى ءبىرشاما تومەن باعامەن ساتىپ الاتىندىعىن باسا ايتتى.