قازاق-قىرعىز ستراتەگيالىق ارىپتەستىگىن دامىتۋ جايى قاراستىرىلادى.
قازاقستان پرەزيدەنتى قاسىم-جومارت توقايەۆ 26 مامىردا قىرعىزستانعا رەسمي ساپارمەن بارادى، دەپ حابارلايدى Almaty-akshamy.kz
ەل پرەزيدەنتىنىڭ رەسمي سايتى اتاپ وتكەندەي، سادىر جاپاروۆ قاسىم-جومارت توقايەۆتى قىرعىزستانعا ساپارمەن كەلۋگە شاقىرعان.
بىشكەكتە ەكى مەملەكەت باسشىسىنىڭ شاعىن جانە كەڭەيتىلگەن قۇرامداعى كەزدەسۋلەرى جوسپارلانعان. كەلىسسوزدىڭ كۇن تارتىبىنە ساياسي ديالوگتى ودان ءارى نىعايتۋعا، ساۋدا-ەكونوميكالىق، ينۆەستيسيالىق جانە مادەني-گۋمانيتارلىق ىنتىماقتاستىقتى ارتتىرۋعا باسا نازار اۋدارىلادى.
كەلەسى كۇنى، 27 مامىردا اقوردادا قاسىم-جومارت توقايەۆ بەينەكونفەرەنسيا بايلانىسى رەجيمىندە وتەتىن جوعارى ەۋرازيالىق ەكونوميكالىق كەڭەستىڭ وتىرىسىنا قاتىسادى.