جۇك يسلام ىنتىماقتاستىعى ۇيىمىنىڭ جەلىسى بويىنشا الەپپو قالاسىنا ءتورت اۋە رەيسىمەن جەتكىزىلمەك
ۇكىمەت ۇيىندە ق ر پرەمەر-مينيسترىنىڭ ءبىرىنشى ورىنباسارى رومان سكلياردىڭ توراعالىعىمەن حالىقارالىق گۋمانيتارلىق كومەك ماسەلەلەرى جونىندەگى كوميسسيانىڭ وتىرىسى ءوتتى، دەپ حابارلايدى Almaty-akshamy.kz ۇكىمەت سايتىنا سىلتەمە جاساپ.
وتىرىستا جويقىن جەر سىلكىنىستەرىنەن زارداپ شەككەن سيريا اراب رەسپۋبليكاسىنا 50 توننا گۋمانيتارلىق كومەك جىبەرۋ تۋرالى شەشىم قابىلداندى.
مەملەكەتتىك ماتەريالدىق رەزەرۆتەن كونسەرۆىلەنگەن ونىمدەر، جىلى كيىم-كەشەكتەر، قىسقى شاتىرلار، كەرەۋەتتەر مەن توسەك-ورىن جابدىقتارى بولىنەدى. جۇك يسلام ىنتىماقتاستىعى ۇيىمىنىڭ جەلىسى بويىنشا الەپپو قالاسىنا ءتورت اۋە رەيسىمەن جەتكىزىلمەك.
ايتا كەتەيىك، مەملەكەت باسشىسى قاسىم-جومارت توقايەۆ ۇكىمەتكە سيرياعا گۋمانيتارلىق كومەك كورسەتۋ تۋرالى تاپسىرما بەرگەن بولاتىن.
ايتا كەتەيىك، سيريانىڭ ءتۇرلى ايماقتارىندا ەكى جويقىن جەر سىلكىنىسى قۇرباندارىنىڭ سانى 2802-گە دەيىن ءوستى. زارداپ شەككەندەردىڭ سانى – 5 035. بۇعان دەيىن قازاقستان ۇكىمەتى تۇركياعا گۋمانيتارلىق كومەك رەتىندە $1 ملن ءبولدى.
سوڭعى مالىمەت بويىنشا، تۇركيادا جەر سىلكىنىسىنەن قازا تاپقاندار سانى 17 مىڭنان استى.