قازاقستان الەمدەگى قىلمىس دەڭگەيى بويىنشا 47-ورىندا تۇر، دەپ حابارلايدى almaty-akshamy.kz inbusiness.kz سىلتەمە جاساپ.
قازاقستان 2022 جىلعى ءبىرىنشى جارتىجىلدىقتاعى قىلمىس دەڭگەيى بويىنشا 142 ەلدىڭ ىشىندە 47-ورىندا بولدى. اتالعان كەزەڭ ىشىندە ەلدە 87،1 مىڭ قىلمىستىق قۇقىق بۇزۋشىلىق تىركەلگەن. بۇل بىلتىرعى جىلمەن سالىستىرعاندا 1،1%-عا ارتىق.
قىلمىس دەڭگەيى قىلمىس يندەكسىن باعالاۋ نەگىزىندە ەسەپتەلەدى. مىسالى، 0-دەن 19،99-عا دەيىنگى يندەكس قىلمىستىڭ وتە تومەن دەڭگەيىن بىلدىرسە، 20-39،99 ارالىعىنداعى يندەكس تومەن دەڭگەيىن كورسەتەدى. 40-تان 59،99-عا دەيىن قىلمىستىڭ ورتاشا دەڭگەيىن، ال 60-تان 79،99-عا دەيىن جوعارى دەڭگەيىن بىلدىرەدى. يندەكس 80-نەن جوعارى بولسا، قىلمىستىڭ دەڭگەيى دە ءورشىپ تۇرعانىن كورسەتەدى.
الەمدەگى قىلمىس دەڭگەيى ەڭ جوعارى ەلدەر قاتارىن ۆەنەسۋەلا (83،16) مەن پاپۋا-جاڭا گۆينەياعا (80،26) باستاپ تۇر. بەستىكتەر قاتارىنا اۋعانستان (78،19)، وار (75،37) جانە گوندۋراس (74،66) ەلدەرى كىرگەن. بەلارۋس (32-ورىن) پەن قىرعىزستاندا (36-ورىن) قىلمىستىڭ ورتاشا دەڭگەيى تىركەلگەن. ال، قىلمىستىڭ تومەن دەڭگەيى بايقالعان ەلدەر ىشىندە رەسەي، ارمەنيا جانە وزبەكستان بار.
الەم بويىنشا كاتار، ءباا، تايۆاندا قىلمىستىڭ ەڭ تومەن دەڭگەيى بايقالعان.
وسى تۇستا رەيتينگتەگى ورىن نەعۇرلىم جوعارى بولسا، ەلدەگى قىلمىس جاعدايى سوعۇرلىم ناشار ەكەندىگىن اتاپ ءوتۋ كەرەك. قىلمىس دەڭگەيى بويىنشا ەلدەردىڭ رەيتينگى جىلىنا 2 رەت جاسالادى. وعان سوڭعى 36 ايداعى دەرەكتەر پايدالانىلادى.