قازاق مەملەكەتىنىڭ ەجەلگى كارتالارى كىتاپ بولىپ شىقتى

بريۋسسەلدە قازاق مەملەكەتىنىڭ سيرەك كەزدەسەتىن 130 كارتاسى ەنگىزىلگەن كارتوگرافيالىق كىتاپ شىقتى.

اتلاستى باسىپ شىعارۋ ءۇشىن مۇحيت-ارداگەر سىدىقنازاروۆ 15 جىل بويى ەڭبەك ەتكەن. كارتا اۆتورى عىلىمي ورتالىقتاردىڭ مويىندالعان الەمدىك جيناقتارىن زەرتتەي وتىرىپ، دۇنيەجۇزىنىڭ تۇكپىر-تۇكپىرىنەن اقپارات جيناعان، دەپ حابارلايدى Almaty-akshamy.kz 

ءبىر قىزىعى، 1562 جىلى بەلگيانىڭ انتۆەرپەن قالاسىندا العاشقى كارتا جاسالعان ەكەن. ونىڭ اۆتورى – عالىم گەرارد مەركاتور. اتلاس اۆتورى ءارى ساياساتتانۋشى مۇحيت-ارداگەر سىدىقنازاروۆتىڭ ايتۋىنشا، سول كەزدەگى ەۋروپالىق جانە امەريكالىق عالىمداردىڭ كارتالارى ەۋرازيانىڭ زەرتتەۋشىلەرى مەن جيھانكەزدەرىنە باعدار بولعان. سونداي-اق ولارعا XVI-XIX عاسىرلارداعى قازاق مەملەكەتىمەن ديپلوماتيالىق، ساۋدا-ەكونوميكالىق جانە مادەني بايلانىستار ورناتۋعا كومەكتەسكەن.

«قازاق مەملەكەتىنىڭ اتاۋلارى لاتىن، اعىلشىن، فرانسۋز، يتاليان، فريز، ۆاللون جانە نەمىس تىلدەرىندە ۇقساس كەلەدى، ياعني «Kasaki»، «Khasaks»، «Kaski Tartari»، «Kassakia»، «Cassaqy»، «Kassakia Horda»، «Independent Kassaks»، «Independent Kasaks Turks». قازاقستاننىڭ بولاشاق ازاماتتارى ءبىزدىڭ بالالارىمىز بۇل كارتالاردى كورىپ، مەملەكەتتىلىگىن ءاردايىم بيىك ۇستانعان حالىقتىڭ ۇرپاعى ەكەنىن ءبىلۋى شارت»، - دەدى ساياساتتانۋ دوكتورى، ل.ن. گۋميليەۆ اتىنداعى ەۇۋ-دىڭ قازىرگى زامانعى زەرتتەۋلەر ينستيتۋتىنىڭ ديرەكتورى، پروفەسسور مۇحيت-ارداگەر سىدىقنازاروۆ