قازاق كينولارى گاچين كينوفەستيۆالىندە جۇلدە الدى

ولار حالىقارالىق قازىلار القاسىنىڭ ارنايى ديپلومىمەن ماراپاتتالدى.

گاچين قالاسىندا وتكەن «ادەبيەت جانە كينو» حالىقارالىق كينوفەستيۆالىندە «ءقازاقفيلمنىڭ» ەكى ءفيلمى جۇلدە الدى، دەپ حابارلايدى Almaty-akshamy.kz كينوستۋديانىڭ باسپا ءسوز قىزمەتىنە سىلتەمە جاساپ.

ءفيلمنىڭ قويۋشى-سۋرەتشىسى ەرمەك وتەگەنوۆ پەن رەجيسسەر بولات قالىمبەتوۆ «مۇقاعالي» فيلمىندەگى ۇزدىك جۇمىسى ءۇشىن حالىقارالىق قازىلار القاسىنىڭ ارنايى ديپلومىمەن ماراپاتتالدى.

ۇزدىك سەناريي ءۇشىن جۇلدەنى رەجيسسەر دارەجان ومىربايەۆتىڭ «اقىن» ءفيلمى الدى.

گاچيندەگى كينوفەستيۆالدىڭ كونكۋرسىنا رەسەي، بەلارۋس، قىرعىزستان، ارمەنيا، يزرايل، قازاقستان مەن تاجىكستان ەلدەرىنىڭ ستۋديالارى مەن تاۋەلسىز اۆتورلارى ءوز جۇمىستارىن ۇسىندى.

بىلتىر بەلگىلى رەجيسسەر بولات قالىمبەتوۆ تۇسىرگەن «مۇقاعالي» ءفيلمى «تەمنىە نوچي» اتتى 25ء-شى تاللين كينوفەستيۆالىندە قازىلار القاسىنىڭ ارنايى جۇلدەسىن يەلەنگەن ەدى.

قازاقتىڭ اقيىق اقىنى مۇقاعالي ماقاتايەۆتىڭ 90 جىلدىعىنا وراي، مادەنيەت جانە سپورت مينيسترلىگىنىڭ تاپسىرىسى بويىنشا شاكەن ايمانوۆ اتىنداعى «قازاقفيلم» كينوستۋدياسىندا تۇسىرىلگەن «مۇقاعالي» ءفيلمىنىڭ سەنارييىن بەلگىلى جازۋشى جۇسىپبەك قورعاسبەك رەجيسسەر بولات قالىمبەتوۆپەن جانە عازيز ناسىروۆپەن بىرگە جازدى.