وسى جىلدىڭ 28 ماۋسىمدا ساعات 11:00 قازاقستان رەسپۋبليكاسىنىڭ ۇلتتىق كىتاپحاناسىندا «ينتەللەكت وردا» حالىقارالىق الەۋمەتتىك-گۋمانيتارلىق عىلىمداردى ىقپالداستىرۋ ينستيتۋتى، الماتى قالاسىنىڭ اكىمدىگى، ش.ءۋاليحانوۆ اتىنداعى تاريح جانە ەتنولوگيا ينستيتۋتى، «ينتەللەكت-ەكسپەرت» الەۋمەتتىك-ەكونوميكالىق زەرتتەۋلەر ورتالىعى، قازاقستان رەسپۋبليكاسىنىڭ ۇلتتىق كىتاپحاناسى بەلگىلى قوعام جانە مەملەكەت قايراتكەرى، عالىم-تاريحشى جانە قوعامتانۋشى، رەسەي جاراتىلىستانۋ عىلىمدارى اكادەمياسىنىڭ، ق ر حالىقارالىق اقپاراتتاندىرۋ اكادەمياسىنىڭ اكادەميگى، تاريح عىلىمدارىنىڭ دوكتورى، پروفەسسور ساتتار فازىل ۇلى ءماجيتوۆتىڭ 60-جىلدىعىنا ارنالعان "ينتەللەكتۋالدى-سيفرلىق ترانسفورماسيا جاعدايىنداعى تاريح جانە الەۋمەتتىك گۋمانيتارلىق عىلىمدار" تاقىرىبىندا حالىقارالىق عىلىمي-تاجىريبەلىك كونفەرەنسيا جانە مەرەيتوي يەسىنىڭ «قازاق دالاسىنداعى حالىق-ازاتتىق قوزعالىس: تاريح. تەوريا. تاريحناما» اتتى مونوگرافياسىنىڭ تۇساۋكەسەرىن وتكىزەدى، دەپ حابارلايدى اlmaty-akshamy.kz.
كونفەرەنسياعا مەملەكەتتىك، قوعام قايراتكەرلەرى، عالىمدار، وقىتۋشىلار، دوكتورانتتار، ماگيسترانتتار، جۋرناليستەر، مۇعالىمدەر، ستۋدەنتتەر، قازاقستاننىڭ وڭىرلەرىنەن، گرۋزيا، قىرعىزستان، وزبەكستان، رەسەي فەدەراسياسى، ءۇندىستان جانە باسقا ەلدەردەن كەلگەن قوناقتار قاتىسادى.
ساتتار فازىل ۇلى ءماجيتوۆ – ش. ش. ءۋاليحانوۆ اتىنداعى تاريح جانە ەتنولوگيا ينستيتۋتىنىڭ ديرەكتورى (2008-2011)، قازاق مادەنيەت عىلىمي-زەرتتەۋ ينستيتۋتىنىڭ باس ديرەكتورى (2014)، وڭتۇستىك قازاقستان وبلىسى اكىمىنىڭ كەڭەسشىسى (2016-2019)، ق ر پرەزيدەنتى جانىنداعى "قوعامدىق كەلىسىم" رەسپۋبليكالىق مەملەكەتتىك مەكەمەسى ديرەكتورىنىڭ ساياسي لاۋازىمى (2019-2020)، "ينتەللەكت وردا" حالىقارالىق الەۋمەتتىك-گۋمانيتارلىق زەرتتەۋلەردى ىقپالداستىرۋ ينستيتۋتىنىڭ باس ديرەكتورى (2021 - قازىرگى ۋاقىتقا دەيىن) قازاقستاننىڭ قازىرگى زامانعى تاريحي جانە الەۋمەتتىك گۋمانيتارلىق عىلىمىن دامىتۋدىڭ باسىم باعىتتارىن ازىرلەۋشى، وتاندىق تاريح بويىنشا ءىرى ىرگەلى، قولدانبالى زەرتتەۋلەردىڭ جەتەكشىسى، ونىڭ ىشىندە "حح عاسىردىڭ باسىنداعى قازاقستان: تاريح جانە تاريحناما"، "حح عاسىردىڭ باسىنداعى قازاقستاننىڭ تاريحي ويى"، "جاڭا جانە قازىرگى زاماننىڭ تاريحناماسى"، "XVIII – حح عاسىردىڭ باسىنداعى قازاقستانداعى حالىق-ازاتتىق قوزعالىسىنىڭ تاريحى، تەورياسى مەن تاريحناماسى ماسەلەلەرى"، "قازاقستان تاريحى ءادىسناماسىنىڭ ماسەلەلەرى: جاڭا عىلىمي پاراديگمانىڭ قالىپتاسۋى" جانە ت. ب.
س.ف.ءماجيتوۆتىڭ جەتەكشىلىگىمەن، باس رەداكسياسىمەن جانە اۆتورلىعىمەن 2009-2010 جىلدارى 5 تومدىق "قازاقستان تاريحى ەجەلگى زاماننان بۇگىنگى كۇنگە دەيىن" اتتى العاشقى اكادەميالىق باسىلىم اياقتالىپ، جارىق كوردى. "مادەني مۇرا" مەملەكەتتىك باعدارلاماسىن ىسكە اسىرۋعا بەلسەندى قاتىستى. ونىڭ جەتەكشىلىگىمەن قازاق تىلىندەگى 20 تومدىق "تاريح – ادامزات اقىلدىڭ قازىناسى" ("الەمدىك تاريحي وي") كىتاپتار سەرياسى قۇرىلدى. بۇل باسىلىم قازاقستاندىق جانە الەمدىك جۇرتشىلىقتىڭ جوعارى باعاسىنا يە بولدى.
ماجيتوۆ س.ف. تاۋەلسىز قازاقستاننىڭ قوعامدىق-ساياسي جانە الەۋمەتتىك-ەكونوميكالىق ءومىرى، ۇلتتىق جانە الەمدىك تاريح، حالىقارالىق قاتىناستار، الەۋمەتتىك-گۋمانيتارلىق، اقپاراتتىق تەحنولوگيالار ماسەلەلەرى بويىنشا 600-دەن استام عىلىمي جانە عىلىمي-تانىمدىق ەڭبەكتەر مەن باسىلىمداردى جارىققا شىعاردى. عالىمنىڭ ەڭبەكتەرى بارلىق پوستكەڭەستىك ەلدەردە، رەسەيدە، قىتايدا، اقش-تا، ءۇندىستاندا، وڭتۇستىك كورەيادا، فرانسيادا، گەرمانيادا، فينليانديادا، تۇركيادا، ۆەنگريادا جانە ت.ب. جاريالانعان. قازاقستان مەن جاقىن جانە الىس شەت ەلدەردە وتكەن 500-دەن استام حالىقارالىق جانە رەسپۋبليكالىق عىلىمي-تەوريالىق جانە عىلىمي-پراكتيكالىق كونفەرەنسيالار، كونگرەسستەر، دوڭگەلەك ۇستەلدەر مەن سەمينارلاردىڭ قاتىسۋشىسى.
عىلىم مەن ءبىلىمنىڭ تاجىريبەلى ۇيىمداستىرۋشىسى رەتىندە س.ف. ءماجيتوۆ تمد ەلدەرىنىڭ تاريح ينستيتۋتتارىن ىقپالداستىرۋعا، تمد، ورتالىق ازيا جانە ەۋروپا عالىمدارىنىڭ بىرلەسكەن عىلىمي جوبالارىن جۇزەگە اسىرۋعا ۇلەس قوستى. «قازاقستان رەسپۋبليكاسىنداعى تاريحي سانانى قالىپتاستىرۋ تۇجىرىمدامالارى»، «قازاقستان رەسپۋبليكاسىنداعى عىلىم مەن ءبىلىمنىڭ ينتەگراسياسى تۇجىرىمدامالارى» بولىمدەرىن، ءبىرقاتار مونوگرافيالار جازدى. قازاقستان رەسپۋبليكاسى پرەزيدەنتىنىڭ ءبىلىم بەرۋدى اقپاراتتاندىرۋ باعدارلاماسى بويىنشا 5-11 سىنىپتارعا ارنالعان «قازاقستان تاريحى» پانىنەن ەلەكتروندى وقۋلىقتاردى ازىرلەۋشى جانە اۆتورى. ول ورتا ءبىلىم بەرۋ جۇيەسى ءۇشىن «قازاقستان تاريحى» بويىنشا 471 سيفرلىق ءبىلىم بەرۋ رەسۋرستارىن ازىرلەدى.
ونىڭ عىلىمي جەتەكشىلىگىمەن 20-دان استام دوكتورلىق جانە كانديداتتىق ديسسەرتاسيالار دايىندالدى. س.ف. ءماجيتوۆتىڭ ارنايى رەداكسياسىمەن قازاقستان تاريحى مەن دۇنيەجۇزىلىك تاريح بويىنشا 20-دان استام وقۋلىق جارىق كوردى جانە وقۋ ۇدەرىسىندە پايدالانىلۋدا. ونەر سالاسىنداعى جوعارى وقۋ ورىندارىنا ارنالعان قازاقستان تاريحى بويىنشا ۇلگىلىك باعدارلامانىڭ (2000)، بارلىق ماماندىقتار بويىنشا باكالاۆريات ءۇشىن قازاقستان تاريحى بويىنشا (2005)، "قازاقستان تاريحى مەكتەپ وقۋلىعىنىڭ تۇجىرىمداماسى" (2005) جانە ت. ب. اۆتورى بولىپ تابىلادى. ساتتار فازىل ۇلىنىڭ مىڭداعان وقۋشىلارى مەن شاكىتتەرى ءقازىر ەلىمىزدىڭ كوپتەگەن سالالارىندا جۇمىس ىستەيدى.
ءماجيتوۆ س.ف. – بۇگىنگى كۇنگە دەيىن الەمنىڭ 150-دەن استام ەلىندە 5 تىلدە تاراتىلاتىن "Reflections on History" ("قۇمساعات") سەرياسى بويىنشا 500-دەن استام ءفيلمنىڭ اۆتورى جانە عىلىمي كەڭەسشىسى. ول سپۋتنيكتىك وقىتۋ ارناسىن جاساۋشىلاردىڭ ءبىرى جانە قازاقستان تاريحى، دۇنيەجۇزىلىك تاريح جانە مادەنيەت، تاريحتى وقىتۋ ادىستەمەسى بويىنشا 250-دەن استام عىلىمي-تانىمال جانە كوركەم فيلمدەردىڭ اۆتورى بولىپ تابىلادى
ونىڭ عىلىمي قىزمەتىنىڭ نەگىزگى باعىتتارىنا قازاقستاننىڭ جاڭا جانە قازىرگى زامانداعى تەورياسى، تاريحى جانە تاريحناماسى؛ تاريحي ءبىلىم بەرۋ؛ تاريحي ءبىلىم بەرۋدەگى جاڭا اقپاراتتىق جانە سيفرلىق تەحنولوگيالار؛ تاريحتى وقىتۋ ادىستەمەسى؛ قازاقستان مەن ورتالىق ازياداعى حالىق-ازاتتىق قوزعالىسىنىڭ تاريحى؛ ورتالىق ازيانىڭ تاريحى، ساياساتى مەن مادەنيەتى؛ قازاقستان مەن تمد ەلدەردىڭ قازىرگى تاريحى جاتادى.
ءماجيتوۆ س.ف. – قازاقستانداعى يۋنەسكو-نىڭ سەرتيفيكاتتالعان ۇلتتىق فاسيليتاتورى. ونىڭ ۇسىنىسى بويىنشا "جۇقا نان جانە ونى تاراتۋ مادەنيەتى" ەلارالىق نوميناسياسى قورعالدى. نوميناسيا سەرتيفيكاتى قازاقستاننىڭ استاناداعى ۇلتتىق مۋزەيىندە ساقتالۋدا. 2019 جىلى ونىڭ پاريجدەگى يۋنەسكو شتاب-پاتەرىنە ساپارىنىڭ ارقاسىندا تۇركىستانداعى قوجا احمەت ياسساۋي كەسەنەسىندە يۋنەسكو-نىڭ كۇزەت مارتەبەسىن ساقتاۋ جانە كەلىسىم بويىنشا جۇمىستار باستالدى.
اكادەميك ساتتار فازىل ۇلى ءماجيتوۆ الماتى، شىمكەنت، تۇركىستان جانە تۇركىستان وبلىستارىنىڭ الەۋمەتتىك-ەكونوميكالىق، ساياسي جانە مادەني دامۋى بويىنشا بىرەگەي مامان جانە ساراپشى بولىپ تابىلادى. 2017-2018 جىلدارى ول وبلىس ورتالىعىن شىمكەنت قالاسىنان تۇركىستان قالاسىنا كوشىرۋ جانە تۇركىستان وبلىسىن قۇرۋ جونىندەگى قۇجاتتاردى ازىرلەدى. ول سولتۇستىك قازاقستان وبلىسىنىڭ ءۋاليحانوۆ اۋدانىنىڭ قۇرمەتتى ازاماتى.
قازىرگى ۋاقىتتا س.ف. ءماجيتوۆتىڭ عالىم جانە ساراپشى رەتىندەگى قىزمەت سالاسىنا كوپتەگەن ماسەلەلەر كىرەدى، ولاردىڭ ىشىندە مەگاپوليستەر مەن وڭىرلەردەگى الەۋمەتتىك ساياسات پەن الەۋمەتتىك-ساياسي پروسەستەردى تالداۋ، ولاردىڭ ەكونوميكالىق جانە ساياسي دامۋعا اسەرى؛ الەۋمەتتىك-ساياسي سالانى باسقارۋ بويىنشا كونسالتينگتىك جۇمىستى ۇيىمداستىرۋدىڭ ادىستەرى مەن تەتىكتەرى، شەشىمدەردى ازىرلەۋ جانە ەنگىزۋ. عىلىمنىڭ "گرۋزياداعى قىپشاقتار: التىن عاسىر" اتتى بىرلەسىپ جازعان عىلىمي-تانىمال كىتابى جاقىندا جارىق كورمەك.
كونفەرەنسيا جۇمىسىنا تومەندەگىدەي باعىتتار كىرەدى:
ü ەكىنشى رەسپۋبليكا جاعدايىنداعى قازاق تاريحى مەن الەۋمەتتىك-گۋمانيتارلىق عىلىمدارىنىڭ جاڭا تەوريالىق-ادىسنامالىق دەڭگەيى؛
ü زياتكەرلىك جانە سيفرلىق ترانسفورماسيا داۋىرىندەگى تاريحي جانە الەۋمەتتىك گۋمانيتارلىق زەرتتەۋلەردىڭ باسىم ماسەلەلەرى مەن پەرسپەكتيۆالارى؛
ü جاڭا عىلىمي پاراديگمالار جانە ولاردىڭ قازىرگى الەۋمەتتىك گۋمانيتارلىق زەرتتەۋلەردەگى كورىنىسى؛
ü ادامزاتتىڭ قازىرگى زاماناۋي ماسەلەلەرى جانە قازاق تاريحى مەن الەۋمەتتىك گۋمانيتارلىق ءبىلىمنىڭ بولاشاعى؛
ü مەكتەپتەر مەن جوعارى وقۋ ورىندارىندا وقىتۋ ماسەلەلەرىنە قاتىستى تاريحي جانە الەۋمەتتىك-گۋمانيتارلىق ءبىلىم سالاسىن جاھاندىق سيفرلاندىرۋ
ناتيجەلەرى بويىنشا كونفەرەنسيا ماتەريالدارىنىڭ جيناعى شىعارىلادى.