32 جاستاعى برازيليالىق شابۋىلشى ەلدەر سانتانا "قايرات" كومانداسىنان كەتتى، دەپ حابارلايدى aqshamnews.kz كلۋبتىڭ باسپا ءسوز قىزمەتىنە سىلتەمە جاساپ.
32 جاستاعى شابۋىلشى كەلىسىمشارت مەرزىمىنىڭ اياقتالۋىنا بايلانىستى الماتىلىق كلۋبتا ونەر كورسەتۋىن اياقتاعان.
"قايرات" فك ەلدەرگە كلۋب جەتىستىكتەرىنە قوسقان ۇلەسى ءۇشىن العىس ايتىپ، الداعى مانسابىندا ساتتىلىك پەن جاڭا تابىس تىلەيدى!"- دەلىنگەن حابارلامادا.
ەلدەر سانتانا سارى-قارالاردىڭ قاتارىنا 2024 جىلعى ماۋسىمدا قوسىلىپ، وسى ۋاقىت ىشىندە قازاقستاننىڭ ەكى دۇركىن چەمپيونى بولدى.
سونداي-اق 2025 جىلعى قازاقستان سۋپەركۋبوگى ءۇشىن وتكەن "اقتوبەگە" قارسى جەڭىستى ماچتا ول ءبىر گول سوعىپ، ءبىر ناتيجەلى پاس بەرىپ، كەزدەسۋدىڭ ۇزدىك ويىنشىسى اتاندى. الايدا كەلەسى ويىندا شابۋىلشى اۋىر جاراقات الىپ، ماۋسىمنىڭ سوڭىنا دەيىن قاتاردان شىعىپ قالعان.
جالپى "قايرات" ساپىندا سانتانا 31 ماچ وتكىزىپ، 5 گول سوعىپ، 3 ناتيجەلى پاس بەرگەن.