مۇنايدىڭ ءبىر باررەلىنىڭ قۇنى 200 دوللارعا دەيىن جەتۋى مۇمكىن. بۇل تۋرالى ەنەرگەتيكا ءمينيسترى بولات اقشولاقوۆ ايتتى، دەپ حابارلايدى اlmaty-akshamy.kz قازاقپاراتقا سىلتەمە جاساپ.
بۇگىن ماجىلىستە تىلشىلەر مينيستردەن مۇناي باعاسى قانداي دەڭگەيگە دەيىن قىمباتتاۋى مۇمكىن ەكەنىن سۇرادى.
«بارلىعى گەوساياسي احۋالعا بايلانىستى. ءبىر باررەلدىڭ قۇنى 200 دوللارعا دەيىن جەتۋى مۇمكىن ەكەنىن جوققا شىعارۋعا بولمايدى. كەزىندە رەسەي ۇكىمەتى ءتوراعاسىنىڭ ورىنباسارى الەكساندر نوۆاك مۇنايدىڭ باررەلىنىڭ قۇنى 350 دوللار بولۋى مۇمكىن ەكەنىن ايتقان ەدى. بۇل سالادا ءتۇرلى سەنارييلەر بار»، - دەدى ب. اقشولاقوۆ.
ونىڭ ايتۋىنشا، قازىرگى كەزدە قازاقستان 87،5 ملن توننا مۇناي وندىرەدى، ونىڭ ىشىندە ىشكى قاجەتتىلىك 18 ملن توننانى قۇرايدى.
«مۇنايدىڭ ەلەۋلى بولىگى ەكسپورتقا شىعادى. سوندىقتان مۇنايدى قىمبات باعاعا وتكىزۋدەن ۇتارىمىز انىق»، - دەدى مينيستر.