باعىتى ايقىن جان بيىكتى باعىندىرادى
كوبىمىز سوڭعى ۋاقىتتارى تىرشىلىكتەن باس المايمىز. كۇندىز-تۇنى جۇمىستامىز. بىر-بىرىنەن جالعاسىپ جاتقان قىم-قۋىت تىرلىك. اراسىندا تىنىعىپ دەمالۋدى ويلايمىز. دەگەنمەن كەيدە وعان ۋاقىت بولە الماي دالمىز. ونىڭ دا ءوز شەشىمى بار. بىزدەر ءبىرقاتار ويلاردى تالداپ كوردىك. سونىڭ ءبىرقانشاسىن نازارلارىڭىزعا ۇسىنامىز.
سۇيىكتى ىسىڭىزگە جاقىنداڭىز. جۇڭگو ەلىنىڭ ۇلى ويشىلى كونفۋسيي «وزىڭىزگە سۇيىكتى ءىس تاڭداڭىز، سوندا ءومىر بويى جۇمىس ىستەمەگەن ادام سياقتى عۇمىر كەشەسىز» دەيدى. فيلوسوفتىڭ ءسوزىنىڭ جانى بار. ونىمەن تولىق كەلىسۋگە بولادى. ءقازىر نە كوپ، ترەننيگ، موتيۆاتورلار كوپ. ءتىپتى ءبىر-بىرىن كورىپ، كوز شالىنادى، قۇلاق جاۋىر بولاتىن دەڭگەيگە دە جەتىپ قالاسىز. سول سەبەپتى، قۇڭ ۇستازدىڭ سوزىنە ءبىر ءسات زەر سالعان ابزالىراق. ارادا قانشاما داۋىرلەر جىلجىسادا، ءوز قۇندىلىعىن جويمادى.
كوبىمىز وي تۇبىندە جۇرەمىز. ءبىردى ەكىگە، ەكىنى ۇشكە جالعاعىمىز كەلەدى. قايتسەك، جەتكىزەمىن قاعيداسىن ۇستانامىز. دەسەكتە، ودان گورى وزىمىزگە كوڭىل اۋدارعان ءجون. ەگەر، ماقسات ايقىن، اتقارار ىسىڭىزگە نىق سەنىم بولسا، قالعانى ءوز رەتىمەن كەلمەك. باستىسى، باعىتىڭىز ايقىن بولسىن. بۇگىندەرى بيزنەسپەن شۇعىلداناتىندار كوبەيدى. ول – جاقسى-اق. دەگەنمەن، كاسىبىن ورگە دومالاتۋ ءۇشىن دە ءبىلىم قاجەت. ونى سىرتتان ەمەس، جۇرەك تۇپكىرىنەن قاراعان دۇرىس. انىعى اركىمنىڭ وزىنە عانا ايان. بىرەۋلەر مەنەدجەر، ماركەتولوگ، ەندى ءبىرى پسيحولوگيالىق جاتتىعۋلارمەن اينالىسادى. قىسقاشا ايتقاندا جوسپارلى قارەكەت ەتە بىلگەن جان جول تابا الاتىنى ايقىن.
كوڭىل شكالاسى بيىك بولسىن! وسى ءسوزدى تەككە ايتپادىق. ءاردايىم ۇن-جۇرعامىزدى قۇلاتپايىق. ءبارى شەشىلەدى. بارلىعى تۇزەلەدى. وسى التىن ويلاردى اقكوڭىل امانحان ءالىم اعامىز ءجيى ايتاتىن ەدى. قالامى قارىمدى جۋرناليست ءارى اقىننىڭ سوزىندە تەرەڭ ءمان-ماعىنا جاتىر. قاراپ تۇرساڭىز ءومىر ادام بالاسىنا ءبىر رەت بەرىلگەن. سوندىقتان قاناتىڭىز ءاردايىم تالماسىن.
ءتۇيىن. حالقىمىزدىڭ «جاقسى ءسوز – جارىم ىرىس» دەيتىن ءپالساپالىق سوزىنەن ارتىق ەشقانداي تەڭەۋ جوق. وسى ارقىلى ءار ۋاقىتتا، ەڭسەنى بيىك ۇستا دەگەندى ايتپاقشى. بىزدە اتالى سوزگە قوسىلدىق دەپ تىزگىندى تارتتىق. وزىنە سەنگەن جان، اسقارالى اسۋدى باعىندىرادى.