مەملەكەت باسشىسى «قازاقستان رەسپۋبليكاسىنىڭ كەيبىر زاڭنامالىق اكتىلەرىنە زياتكەرلىك مەنشىك جانە مەملەكەت كەپىلدىك بەرگەن زاڭ كومەگىن كورسەتۋ سالالارىنداعى زاڭنامانى جەتىلدىرۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» قازاقستان رەسپۋبليكاسىنىڭ زاڭىنا قول قويدى. بۇل تۋرالى Almaty-akshamy.kz اقوردانىڭ رەسمي سايتىنا سىلتەمە جاساپ حابارلايدى.
ايتا كەتەيىك، زاڭ وسى قۇقىقتاردى ۇجىمدىق نەگىزدە باسقاراتىن ۇيىمداردىڭ جانە پاتەنتتىك سەنىم بىلدىرىلگەن وكىلدەردىڭ قىزمەتىنىڭ اشىقتىعىن قامتاماسىز ەتۋگە ارنالعان. سونداي-اق قۇجاتتا زياتكەرلىك مەنشىك قۇقىقتارى مەن ونەركاسىپتىك مەنشىك وبەكتىلەرىن قورعاۋدى كۇشەيتۋ ماسەلەسى قاراستىرىلعان.
زاڭدا ۇلتتىق زاڭناما نورمالارىن وسى سالاداعى حالىقارالىق ۇستانىم مەن تاجىريبەلەرىنىڭ ەرەجەلەرىمەن سايكەستەندىرۋگە قاتىستى دا نورمالار بار. سونىمەن قاتار، ەنگىزىلگەن وزگەرىستەر مەملەكەت كەپىلدىك بەرگەن زاڭ كومەگىن الۋ اياسىن كەڭەيتۋگە دە باعىتتالىپ وتىر.
الداعى ۋاقىتتا وسى زاڭ ەلىمىزدە زياتكەرلىك مەنشىك نارىعىن دامىتۋعا، ازاماتتاردىڭ قۇقىقتارىن قامتاماسىز ەتۋگە ءوز سەپتىگىن تيگىزەدى دەگەن سەنىم بار.
سونداي-اق زاڭ حالىققا مەملەكەت كەپىلدىك بەرگەن زاڭ كومەگىن 2025 جىلعا قاراي 2 ەسەگە ۇلعايتۋ جونىندەگى مىندەتتى شەشۋ ۇسىنىلادى. زاڭنىڭ ءماتىنى باسپاسوزدە جاريالانادى.