قارجى مونيتورينگى اگەنتتىگىنىڭ پاۆلودار وبلىسى بويىنشا دەپارتامەنتى جۇكتى ايەلدەردى جالعان جۇمىسقا ورنالاستىرۋ ارقىلى الەۋمەتتىك تولەمدەردى زاڭسىز الۋ سحەماسىن ۇيىمداستىرعان تۇلعالار توبىنا قاتىستى تەرگەۋ جۇرگىزىپ جاتىر.، - دەپ حابارلايدى aqshamnews.kz ءتىلشىسى.
تەرگەۋ مالىمەتىنشە، زەينەتاقى تولەۋ جونىندەگى مەملەكەتتىك ورتالىق ءبولىمىنىڭ باسشىسى ءوزىنىڭ كاسىبي ءبىلىمى مەن لاۋازىمدىق مۇمكىندىكتەرىن پايدالانا وتىرىپ، جوسپاردى ىسكە اسىرۋ ءۇشىن بۋحگالتەر بولىپ ىستەيتىن تۋىسىن تارتقان. بۋحگالتەر الەۋمەتتىك تولەمدەرمەن جۇمىس ىستەيتىن كاسىپكەرلەردىڭ ءبىرقاتارىنا قىزمەت كورسەتكەن جانە ولاردىڭ ەلەكترون سيفرلىق قولتاڭبالارىنا (ەسق) قولجەتىمدى بولعان.
وسى ەسق-لاردى يەلەرىنىڭ رۇقساتىنسىز پايدالانا وتىرىپ، ول جۇكتى ايەلدەردى "جۇمىسقا قابىلداۋ تۋرالى" جالعان بۇيرىقتار مەن ەڭبەك قاتىناستارى زاڭدى راسىمدەلگەندەي كورىنەتىن وزگە دە قۇجاتتاردى دايىنداعان.
سحەمانى كەڭەيتۋ ءۇشىن بىرنەشە تانىس ادامدار تارتىلىپ، ولاردىڭ مىندەتى جۇكتى ايەلدەردى تابۋ جانە ۇسىنىلعان راسىمدەۋدىڭ "زاڭدى" ەكەنىنە سەندىرۋ بولعان. جالعان دەرەكتەر نەگىزىندە ۋاكىلەتتى ورگاندار جاردەماقىلار تاعايىنداعان، ال الىنعان قارجى كەيىن سحەما قاتىسۋشىلارى اراسىندا ءبولىنىپ وتىرعان.
تەكسەرۋ قورىتىندىسى بويىنشا:
-
13 جەكە كاسىپكەردىڭ اتىنان
-
50-دەن استام جۇكتى ايەلگە
-
زاڭسىز تۇردە 6 ملن تەڭگەگە دەيىن وسىرىلگەن جاردەماقىلار تولەنگەنى انىقتالدى.
مەملەكەتكە كەلتىرىلگەن جالپى زالال 200 ملن تەڭگەدەن استى.
سوت سانكسياسىمەن كۇدىكتىلەردىڭ 3 اۆتوكولىگىنە تىيىم سالىندى. تەرگەۋ جالعاسىپ جاتىر.
ق ر قپك-نىڭ 201-بابىنا سايكەس وزگە اقپارات جاريا ەتىلمەيدى.