تانىمال پروديۋسەر ءارى رەجيسسەر اقان ساتايەۆ الەۋمەتتىك بۇرىنعى ايەلىنە قاتىستى اشىق مالىمدەمە جاسادى، - دەپ حابارلايدى kznews.kz.
بۇل تۋرالى ول الەۋمەتتىك جەلىدەگى پاراقشاسىندا ءبولىستى.
اقان ساتايەۆتىڭ ايتۋىنشا، بۇرىنعى جارى نازيرا تاراپىنان توسىن جاريا پىكىرلەر ايتىلعان. ول ءتۇرلى قاۋەسەت تاراماۋى ءۇشىن بالالارىنا قاتىستى اشىق ايتتى.
"ءبىزدىڭ اجىراسۋىمىزدىڭ سەبەپتەرى ناقتى اجىراسۋدان جانە نەكەنى رەسمي تۇردە بۇزۋدان الدەقايدا بۇرىن قالىپتاسقان. بۇل تەك ءوزارا جەكە كەلىسپەۋشىلىكتەر مەن قارىم-قاتىناسقا بايلانىستى بولدى. ءۇشىنشى تۇلعالار اجىراسۋعا سەبەپ تە، سىلتاۋ دا بولعان ەمەس. ءبىز بۇل ماسەلەنى بىرنەشە رەت تالقىلاپ، ەكى جاقتى شەشىمگە كەلدىك. ارينە، بۇل تۋرالى بالالارىمىزبەن دە اشىق سويلەستىك.
اجىراسۋعا دەيىن دە، اجىراسۋ بارىسىندا دا، ودان كەيىن دە نازيرا اجىراسۋدىڭ سەبەبى رەتىندە باسقا ءبىر ادامدى، ونىڭ ىشىندە الميرانى اتاعان ەمەس. قازىرگى ايتىلىپ جاتقان مالىمدەمەلەر مەن ءۇشىن كۇتپەگەن جاعداي بولدى ءارى قوعام پىكىرىنە ىقپال ەتۋگە باعىتتالعان ارەكەت سياقتى كورىنەدى. ونىڭ ۇستىنە، نازيرانىڭ ءوزى وسى سۇحباتىندا ءبىزدىڭ قارىم-قاتىناسىمىزداعى تۇسىنبەۋشىلىكتەر 2016 جىلدان باستالعانىن، ياعني "توميريس" ءفيلمىنىڭ تۇسىرىلىمىنەن الدەقايدا بۇرىن پايدا بولعانىن ايتادى.
اجىراسۋعا، كەيىنگى تۇرمىسقا، بالالاردى تاربيەلەۋ مەن ولارمەن قارىم-قاتىناس جاساۋعا قاتىستى بارلىق ماسەلەلەر الدىن الا مەنىڭ، نازيرانىڭ جانە بالالاردىڭ اراسىندا تولىق تالقىلانىپ، كەلىسىلگەن.
مەن نازيراعا بالالارمەن بىرگە وسى ۇيدە تۇرۋدى بىرنەشە رەت ۇسىندىم. الايدا ول ءوز ەركىمەن بولەك تۇرۋدى تاڭدادى. قالاي بولعاندا دا، بۇل ءۇي بولاشاقتا بالالارعا مۇرا رەتىندە قالدىرىلادى.
مەن نازيراعا ونىڭ ءوزى تاڭداعان ءۇش بولمەلى پاتەردى ساتىپ الىپ، جەكە مەنشىگىنە راسىمدەپ بەردىم، اۆتوكولىكتى قالدىردىم، سونداي-اق قارجىلاي قولداۋ كورسەتىپ، ءوز مىندەتتەرىمدى ءالى دە ورىنداپ كەلەمىن.
بالالار مەنىمەن بىرگە تۇرۋدى قالادى. قازىرگى ۋاقىتتا ولار مەنىڭ قاراۋىمدا.. ال ۇلكەن قىزدارىم تۇرمىسقا شىعىپ، ءوز ءومىر جولىن باستاپ كەتتى.
مەن ەشقاشان بالالاردىڭ اناسى نازيرەمەن ارالاسۋىنا كەدەرگى كەلتىرگەن ەمەسپىن جانە كەلتىرمەيمىن. بالالاردىڭ ونىمەن بىرگە تۇرۋ مۇمكىندىگى بولدى جانە ءقازىر دە بار. الايدا ولار ءۇشىن وسى ۇيدە تۇرۋ الدەقايدا جايلى.
ەلىسىلگەن بارلىق مىندەتتەمەلەرىمدى تولىق ورىندادىم"، – دەپ جازدى اقان ساتايەۆ.