11-19 قازان ارالىعىندا Almaty Arena-دا Almaty Open ATP 250 تەننيس ءتۋرنيرى ءوتىپ جاتىر. الەمگە ايگىلى ديماش قۇدايبەرگەن سپورتشىلارعا قولداۋ ءبىلدىرىپ، كەشە ارەنادا ونەر كورسەتتى. تولىعىراق اqshamnews.kz ماتەريالىندا.
نەبارى ەكى كۇن بۇرىن اقش پەن مەكسيكاداعى اۋقىمدى گاسترولدەرىن اياقتاپ، وتكەن تۇندە عانا ۇيىنە ورالعان ءانشى ءوز جەرىندە ونەر كورسەتۋگە اسىققانىن ايتتى.
"قايدا بولسام دا، ءوز ۇيىمدە ونەر كورسەتۋگە اسىعامىن! بۇل - مەن ءۇشىن مارتەبە!" - دەدى ول.
ول الاڭعا شىققان ساتتە تريبۋنالاردان شاپالاقتىڭ داۋسى تىيىلمادى. ءانشى كەيىنگى شىققان 4 ءانىن ورىنداپ، تىڭدارماندارىنىڭ ىستىق ىقىلاسىنا بولەندى.
ودان كەيىن جۇرگىزۋشەلىر ديماشقا ويىن تۋرالى بىرنەشە سۇراق قويدى. ونەر يەسى تەننيسكە اسا قىزىقپاسا دا، ءاربىر قازاقستاندىق سپورتشىنى شىن كوڭىلمەن قولدايتىنىن جاسىرمادى.
"تەننيستىڭ ۇلكەن جانكۇيەرى ەمەسپىن، تۋرنيرلەردى مۇقيات قاداعالامايمىن دەپ ايتايىن. ءبىراق ءاربىر قازاقستاندىق سپورتشىعا جانكۇيەرمىن. مۇمكىندىك تۋا قالسا، راكەتكانى قولىما الىپ، ويناعاندى ۇناتامىن. ارينە، قازاقستان تۋى استىندا بارلىق سپورت تۇرىندە ونەر كورسەتەتىن جىگىتتەرىمىز بەن قىزدارىمىزعا ءارقاشان ساتتىلىك تىلەيمىن!" - دەدى ول.
ديماش ونەر كورسەتىپ بولعان سوڭ، كورتقا قازاقستاندىق تەننيسشى، الەمنىڭ 91-راكەتكاسى الەكساندر شيەۆچەنكو مەن الەمنىڭ 79-راكەتكاسى، سەربيالىق لاسلو دجەرە شىقتى.
ديماش قۇدايبەرگەن قازاقستان تەننيس فەدەراسياسىنىڭ پرەزيدەنتى ءارى كاسىپكەر بولات وتەمۇراتوۆپەن بىرگە ويىن تاماشالادى.
تارتىستى وتكەن ەكى پارتيا دا شيەۆچەنكونىڭ پايداسىنا شەشىلدى، ەسەپ 7:6 (7؛ 1)، 7:6 (14:12) بولدى. ەكى ساعات 6 مينۋتقا سوزىلعان باسەكەدە الەكساندر شيەۆچەنكو 10 ەيسپەن بىرگە 3 برەيكتىڭ بىرەۋىن پايدالانىپ، جەڭىسكە جەتتى.
ەندى سپورتشى شيرەك فينالعا شىعۋ ءۇشىن الەمنىڭ 41-راكەتكاسى، فرانسيالىق كورەنتەن مۋتەمەن كەزدەسەدى.