اتالمىش باستامانى قازاقستان تجم باسشىسى يۋريي يلين كوتەردى.
قازاقستانىڭ تجم باسشىسى يۋريي يلين دۋشانبەدە ءوتىپ جاتقان ورتالىق ازيا ەلدەرىنىڭ توتەنشە ۆەدومستۆولارى باسشىلارىنىڭ كەڭەسى بارىسىندا ايماقتاعى ەلدەردە كەز كەلگەن توتەنشە جاعداي تۋرالى شۇعىل حابار تاراتاتىن جۇيەنى قۇرۋدى ۇسىنىپ، قاۋىپ-قاتەر تۋىنداعاندا ءوزارا حاباردار بولۋدىڭ ماڭىزدىلىعىن اتاپ ءوتتى، دەپ حابارلايدى Almaty-akshamy.kz.
ماسەلەنىڭ وزەكتىلىگىن ورتالىق ازيا ەلدەرىنىڭ توتەنشە دەن قويۋ ۆەدومستۆولارى راستادى.
«قازاقستاندىق تاراپتىڭ ۇسىنىسى شەڭبەرىندە سەيسميكالىق داچيكتەردى عانا ەمەس، سونىمەن قاتار ورتالىق ازيا ەلدەرىندەگى قولدانىستاعى تج مونيتورينگى جۇيەلەرىنىڭ مەتەورولوگيالىق، گيدرولوگيالىق جانە باسقا داچيكتەرىن ينتەگراسيالاۋ جوسپارلانۋدا»،- دەلىنگەن تجم باسپا ءسوز قىزمەتىنىڭ حابارلاماسىندا.
بۇل باستاما سەيسميكالىق، سەل، كوشكىن، سىرعىما ءقاۋپى جوعارى جەرگىلىكتى جەرلەردە تج تۋرالى ەرتە حابارلاۋعا مۇمكىندىك بەرەدى.
مينيسترلەر كەزدەسۋىندە ۇسىنىلعان مالىمەتتەرگە سايكەس، ورتالىق ازيا كليماتتىڭ وزگەرۋىنىڭ قولايسىز سالدارىمەن كۇرەستە ۇلكەن قاۋىپ-قاتەرلەرگە تاپ بولۋدا. كليماتتىڭ وزگەرۋىنىڭ سۋمەن بايلانىستى اپاتتارعا اسەرى نەگىزگى قاۋىپتەردىڭ ءبىرى بولىپ تانىلدى. ماسەلەن، تەمپەراتۋرانىڭ تومەندەۋى بايقالادى، بۇل مۇزدىقتاردىڭ ەرۋىنە جانە مۇزدىق كولدەردىڭ پايدا بولۋىنا اكەلەدى.
ايماقتاعى مۇزدىقتار كولەمىنىڭ قىسقارۋىنىڭ قازىرگى قارقىنى جىلىنا 0،2-1% قۇرايدى. بۇل فاكتورلار سۋ تاسقىنى ءقاۋپىن تۋدىرادى. بۇل رەتتە، جەر سىلكىنىسى، سىرعىمالار، سەل، قار كوشكىنى، تەحنوگەندىك سيپاتتاعى تاۋەكەلدەر جانە ت. ب. سياقتى تاۋەكەلدەرگە كوبىرەك كوڭىل بولىنەدى.
«تاۋەكەلدەردى ازايتۋدى قامتاماسىز ەتۋدە زاماناۋي تاسىلدەردى ەنگىزۋ ماسەلەلەرىندە حالىقارالىق جانە ۇكىمەتتىك ەمەس ۇيىمدارمەن ىنتىماقتاستىققا ۇلكەن ءمان بەرە وتىرىپ، ءبىز ءوڭىر ەلدەرىندەگى ارىپتەستەرىمىزبەن ەكىجاقتى جانە كوپجاقتى نەگىزدە تىعىز جانە پراكتيكالىق ءوزارا ءىس-قيمىلعا ەرەكشە نازار اۋدارامىز»، - دەپ اتاپ ءوتتى يۋريي يلين.
كەڭەس اياسىندا يۋريي ءيليننىڭ بۇۇ ەۋروپا مەن ورتالىق ازياداعى اپاتتار ءقاۋپىن ازايتۋ جونىندەگى باسقارماسىنىڭ وڭىرلىك كەڭسەسىنىڭ باسشىسى وكتاۆين بيۆولمەن جانە بۇۇ ەەك اتقارۋشى حاتشىسىنىڭ ورىنباسارى دميتريي مارياسينمەن، تۇركيانىڭ تابيعي اپاتتار مەن توتەنشە جاعدايلاردى باسقارۋ اگەنتتىگىنىڭ ۆيسە-پرەزيدەنتى يسمايل پالاكوگلۋمەن ەكىجاقتى كەزدەسۋلەرى ءوتتى، وندا تج الدىن الۋ جانە جويۋ ىسىندەگى ىنتىماقتاستىق پەن ءوزارا ءىس-قيمىلدىڭ وزەكتى ماسەلەلەرى تالقىلاندى.