اقمولا وبلىستىق سوتى ماكينسك قالاسىنىڭ 21 جاستاعى تۇرعىنىن جولدا ءقاۋىپتى دريفت جاساعانى ءۇشىن اكىمشىلىك جاۋاپكەرشىلىككە تارتتى، دەپ حابارلايدى Aqshamnews.kz ءتىلشىسى.
سوت انىقتاعانداي، وقيعا قالانىڭ ورتالىعىندا، كوكتايعاق كەزىندە بولعان. جاس جۇرگىزۋشى كولىگىن جوعارى جىلدامدىقپەن اينالدىرىپ، «سەگىزدىك» سالىپ، قارسى جولاققا شىعىپ، وزگە جۇرگىزۋشىلەردىڭ ومىرىنە ءقاۋىپ توندىرگەن.
كۋاگەرلەردىڭ ايتۋىنشا، باسقا كولىك يەلەرى جاعدايدىڭ ءقاۋىپتى ەكەنىن ەسكەرتۋ ءۇشىن دىبىستىق بەلگى بەرۋگە ءماجبۇر بولعان. جول ەرەجەسىن بۇزعان ازاماتتىڭ ارەكەتتەرى بەينەجازبالار ارقىلى دالەلدەنگەن.
سوتتا ول كىناسىن تولىق مويىنداپ، ءوز ىس-ارەكەتىنىڭ جاۋاپسىز بولعانىن مويىندادى. سوت ونىڭ كولىك تىزگىندەۋ كەزىندە قاۋىپ-قاتەرگە جەڭىل قاراعانىن جانە ادەيى اپاتتى جاعداي تۋعىزعانىن ەسكەردى.
ناتيجەسىندە، قۇقىقبۇزۋشىعا 5 تاۋلىك اكىمشىلىك قاماۋ جازاسى تاعايىندالدى. سوت شەشىمى ءالى زاڭدى كۇشىنە ەنگەن جوق.