اسقاباق (Cucurbita pepo) امەريكادا وتە ەرتە كەزەڭدەردەن باستاپ وسىرىلگەن. ارحەولوگيالىق دەرەكتەرگە سايكەس، العاشقى اسقاباقتار قازىرگى مەكسيكا مەن وڭتۇستىك-باتىس اقش اۋماعىندا شامامەن ب.ز.د. 3500 جىلداردان بەرى ءوسىرىلىپ كەلەدى. بۇل وسىمدىكتەر العاشىندا ۇزاق ساقتالاتىن جانە تاعام رەتىندە پايدالى بولعان، ال قازىرگى كەزدەگى ءتاتتى جانە ۇلكەن اسقاباق تۇرلەرى كەيىننەن دامىتىلعان. اسقاباقتار مادەنيەتكە جۇگەرى مەن بۇرشاقپەن قاتار ەنگىزىلگەن Missouri Extension، 2013.
كاليفورنيا شتاتىنىڭ جىلى كليماتى، قۇنارلى توپىراعى جانە ۇزاق جازعى كەزەڭدەرى اسقاباق وسىرۋگە وتە قولايلى. اسقاباق ءوسىرۋ مادەنيەتى كاليفورنيادا XIX عاسىردىڭ ورتاسىنان باستاۋ الادى، ءبىراق ناقتى جازبالار مەن دەرەكتەر وسى كەزەڭنەن كەيىن عانا ساقتالعان. بۇگىندە كاليفورنيا – اسقاباق ءوسىرۋ بويىنشا جەتەكشى شتاتتاردىڭ ءبىرى.
اسقاباق ءوسىرۋ تەك اۋىل شارۋاشىلىعى سالاسىنا عانا ەمەس، سونىمەن قاتار مادەني جانە ەكونوميكالىق ماڭىزى بار سالاعا اينالدى. شتاتتا جىل سايىن اسقاباق فەستيۆالدەرى، جارمەڭكەلەر مەن كورمەلەر وتكىزىلىپ، جەرگىلىكتى قاۋىمداستىقتار مەن تۋريستەر ءۇشىن ماڭىزدى وقيعالارعا اينالدى. بۇل شارالار اسقاباق ءوسىرۋدىڭ مادەني مۇرا رەتىندە ساقتالۋىنا جانە ونىڭ ەكونوميكالىق تۇرعىدان دامۋىنا ىقپال ەتەدى.
ءبىز كەشە Woodland قالاسىنا بارىپ، اسقاباقتاردىڭ ءارتۇرلى تۇرلەرىن كورىپ قايتتىق. سول جەردەگى فەرمەرلەر ءداستۇرلى اۋىل شارۋاشىلىعى ادىستەرىمەن قاتار، زاماناۋي سيفرلىق جانە سۋارۋ تەحنولوگيالارىن پايدالانادى. Woodland-تا ءبىز ءىرى، ءتاتتى، دوڭگەلەك اسقاباقتاردى، سونداي-اق شاعىن دەكوراتيۆتىك اسقاباق تۇرلەرىن كوردىك. فەرمەرلەر ءار اسقاباق ءتۇرىن ءوسىرۋ كەزىندە توپىراق قۇنارلىلىعى مەن سۋارۋ رەجيمىنە ەرەكشە ءمان بەرەدى.
Woodland-تاعى تاجىريبە كورسەتكەندەي، اسقاباق ءوسىرۋ پروسەسى تەك ەگىن جيناۋمەن شەكتەلمەيدى. فەرمەرلەر ماركەتينگ، فەستيۆالدەر جانە اۋىل شارۋاشىلىعى ءتۋريزمى ارقىلى اسقاباق ونىمدەرىن ساتادى، بۇل كاليفورنياداعى اگرارلىق سەكتوردىڭ ەكونوميكالىق دامۋىنا ۇلەس قوسادى.
كاليفورنياداعى اسقاباق ءوسىرۋ ءۇردىسى ۇزاق تاريحقا يە جانە بۇگىنگى تاڭدا اۋىل شارۋاشىلىعى، مادەنيەت جانە ءتۋريزمنىڭ ماڭىزدى بولىگى بولىپ تابىلادى. Woodland قالاسىنداعى تاجىريبە فەرمەرلەردىڭ ءداستۇرلى ادىستەر مەن زاماناۋي تەحنولوگيالاردى بىرىكتىرىپ، ءارتۇرلى اسقاباق تۇرلەرىن ءوسىرۋ ارقىلى تابىسقا جەتۋىن كورسەتتى. بۇل تاجىريبە اسقاباق ءوسىرۋدىڭ ەكونوميكالىق، مادەني جانە الەۋمەتتىك ماڭىزىن ايقىن تۇسىنۋگە مۇمكىندىك بەرەدى.
كۋرمانبايەۆا ا.ا.
ديەۆيس ۋنيۆەرسيتەتى
كاليفورنيا شتاتى
«بولاشاق» باعدارلاماسى
«500 عالىم» تاعىلىمناما
جوباسى بويىنشا