Nur Otan پارتياسىنىڭ اتاۋى «امانات» بولىپ وزگەرۋى ەلىمىزدىڭ بولاشاقتا تىنىش ءومىر ءسۇرىنىڭ كەپىلى بولماق. امانات — سيمۆولدىق تۇرعىدان قاستەرلى ۇعىم. اتا-بابادان ميراس بولعان ەل مەن جەردى ساقتاۋ، وركەندەتۋ — ءاربىر ازاماتتىڭ ەنشىسىنە بەرىلگەن امانات. سوندىقتان دا جاڭارعان پارتياعا ارتىلعان سەنىمنىڭ جۇگى اۋىر.
جاڭا قازاقستانعا، جاڭا پارتيامەن جول باستاساق، ەلىمىز وركەندەپ، دامىعان مەملەكەتتەردىڭ قاتارىنان كورىنەرى انىق. پارتيانىڭ اتاۋى عانا وزگەرمەي، قاتارىنداعى قىزمەتكەرلەرى دە وزگەرەدى دەگەن سەنىمدەمىز. پارتيانىڭ جاڭعىرۋعا بايلانىستى قابىلداعان 7 باسىمدىعى حالىقتىڭ كوكەيىندە جۇرگەن ويلارى ەدى. وسىناۋ مودەرنيزاسيالاۋدىڭ ىشىندە وزىمە ۇناعانى - 1-تارماعىنداعى "حالىقپەن بايلانىس جاساۋ قۇرالدارىنىڭ تيىمدىلىگىن ارتتىرۋ" دەگەنى.
قازىرگى ۋاقىتتا ەلىمىزدەگى ەڭ باستى ماسەلە - جۇمىسسىزدىق. وسى ماسەلەنى تۇپكىلىكتى شەشە الساق، ەلدىڭ ەكونوميكاسى تۇراقتالاتىن ەدى. ءبىلىمنىڭ جوعارعى ساتىسى - عىلىم دەمەكشى، الداعى ۋاقىتتاردا پارتيا عالىمدارعا كوڭىل بولسە دەگەن ۇمىتتەمىز.
جاڭارعان پارتيا پرەزيدەنت رەفورمالارىن جۇزەگە اسىرۋدىڭ باستى درايۆەرى بولۋعا ءتيىس. قازىرگى گەوساياسي احۋال كۇردەلى، الەمدىك الەۋمەتتىك-ەكونوميكالىق جاعداي ۋشىعىپ تۇرعان مىنا كەزەڭدە پارتيا دا زامان اعىمىنا ىلەسىپ، ۋاقىت سىنىنا جاۋاپ بەرە الاتىن ساياسي كۇش بولىپ قالۋى كەرەك.