مەريتوكراتيا قاعيداتتارىنان ەشكىم باس تارتقان جوق. بۇل تۋرالى قازاقستان حالقىنا جولداۋىن جاريالاۋ كەزىندە مەملەكەت باسشىسى قاسىم-جومارت توقايەۆ ايتتى.
«مەملەكەتتىك قىزمەتشىلەردىڭ بىلىكتىلىگىن ارتتىرۋ ماسەلەسى ءالى دە وزەكتى. ۇمىتكەردى كىزمەتكە تاعايىنداعان كەزدە ونىڭ كاسىبي جانە مورالدىق قاسيەتتەرىن مۇقيات ەسكەرگەن ءجون. بۇرىنعى جۇمىسىن قالاي اتقارعانى دا قاپەردە بولۋى كەرەك. مەريتوكراتيا قاعيداتتارىنان ەشكىم باس تارتقان جوق. بۇل باعىتتاعى جۇمىستىڭ اياق الىسى جامان ەمەس»، - دەدى قاسىم-جومارت توقايەۆ.
وسى ورايدا پرەزيدەنت ءقازىر مەملەكەتتىك ورگانداردىڭ ءبارى كادر جونىندەگى ءبىرىڭعاي اقپاراتتىق جۇيەگە كوشكەنىن ەسكە سالدى.
«ەندى ۇكىمەت پەن مەملەكەتتىك قىزمەت ىستەرى اگەنتتىگى بيۋدجەتتەن قارجىلاندىرىلاتىن مەكەمەلەردىڭ كادر ماسەلەسىنە قاتىستى جۇمىسىن تولىق اۆتوماتتاندىرۋى كەرەك»، - دەدى مەملەكەت باسشىسى.