وتە وزەكتى ماسەلە.
ۇلتتىق قوردىڭ قارجىسىن ءتيىمسىز جۇمساۋ توقتاتىلادى. بۇل تۋرالى ق ر پرەزيدەنتى قاسىم-جومارت توقايەۆ قازاقستان حالقىنا جولداۋىندا ءمالىم ەتتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«بۇل – وتە وزەكتى ماسەلە. قوردىڭ قاراجاتىن اسا قاجەت ينفراقۇرىلىمدى دامىتۋعا جانە ەلىمىز ءۇشىن ماڭىزى زور جوبالاردى قارجىلاندىرۋعا جۇمسايمىز. بيۋدجەت ۇدەرىستەرىن بارىنشا جەڭىلدەتۋ قاجەت. مەملەكەتتىك ورگانداردىڭ يگەرىلمەگەن قاراجاتتى كەلەسى جىلعا قالدىرۋىنا مۇمكىندىك بەرۋ كەرەك. سول ارقىلى ولار اقشانى بيۋدجەتكە قايتارۋدىڭ ءتيىمسىز تارتىبىنەن قۇتىلادى. سونىمەن بىرگە، بيۋدجەتكە قاتىستى تاۋەكەلدەردى باسقارۋ جۇيەسىن ىسكە قوسۋ كەرەك. بۇل جۇيە كۆازيمەملەكەتتىك سەكتوردى دا قامتۋعا ءتيىس»، - دەدى ق ر پرەزيدەنتى.