قاسىم-جومارت توقايەۆ كران-مونتانا تاۋ-شاڭعى كۋرورتىنداعى ءورت سالدارىنان كوپتەگەن ادامنىڭ قازا تابۋىنا بايلانىستى شۆەيساريا كونفەدەراسياسىنىڭ پرەزيدەنتى گي پارمەلانعا كوڭىل ايتتى، - دەپ حابارلايدى Aqshamnews.kz.
قازاقستان پرەزيدەنتى جاقىندارىنان ايىرىلعان ازاماتتاردىڭ قايعىلارىنا ورتاقتاسىپ، جاراقات العان ادامداردىڭ تەزىرەك ساۋىعىپ كەتۋىنە تىلەكتەستىگىن ءبىلدىردى. سونداي-اق ەلىمىز وسى قيىن-قىستاۋ ساتتە شۆەيساريا حالقىن قولدايتىنىن جەتكىزدى.
ەسكە سالايىق، شۆەيساريانىڭ كران-مونتانا تاۋ شاڭعى كۋرورتىنداعى جارىلىستان 40 ادام قازا تاپتى. تاعى جۇزگە جۋىق ادامدى كۇيىك شالعان. قايعىلى وقيعا كۋرورت اۋماعىنداعى مەرەكەلىك ءىس-شارا كەزىندە بولدى. زارداپ شەككەندەردى ەۆاكۋاسيالاۋ ءۇشىن 10 تىكۇشاق جۇمىلدى. ءورتتىڭ شىعۋىنا جاڭا جىلدىق وتشاشۋ سەبەپ بولۋى مۇمكىن دەگەن بولجام بار. تەرگەۋ جالعاسىپ جاتىر.