مەدەۋ اۋدانىندا جاڭا وتباسىلىق-دارىگەرلىك امبۋلاتوريا پايدالانۋعا بەرىلەدى

500 ادام قابىلدايتىن جاڭا زاماناۋي ەمحانانى سالۋ جوسپارلانۋدا.

ساناۋلى كۇن قالعان 2022 جىلدىڭ سوڭىنا دەيىن مەدەۋ اۋدانىنىڭ تۇرعىندارىنا كۇنىنە 120 كەلۋشىگە ارنالعان جاڭا وتباسىلىق-دارىگەرلىك امبۋلاتوريا پايدالانۋعا بەرىلەدى. بۇل تۋرالى اۋدان حالقىمەن كەزدەسۋ بارىسىندا قالا اكىمى ەربولات دوسايەۆ ايتتى، دەپ حابارلايدى Almaty-akshamy.kz.

"كولساي" جانە "سۇلۋساي" شاعىناۋداندارىندا حالىققا مەديسينالىق كومەكتىڭ «قادامدىق قولجەتىمدىلىگىن» قامتاماسىز ەتۋ ءۇشىن جىلدىڭ سوڭىنا دەيىن دەمەۋشىلىك قاراجات ەسەبىنەن فەلدشەرلىك-امبۋلاتوريالىق پۋنكتتەر اشۋ جوسپارلانۋدا. "الاتاۋ" شاعىناۋدانىنداعى مەملەكەتتىك اۋرۋحانانىڭ اۋماعىندا مودۋلدىك كومپيۋتەرلىك توموگرافيا ورتالىعى سالىنۋدا. وبەكت وسى جىلدىڭ سوڭىنا دەيىن پايدالانۋعا بەرىلەدى. بۇدان باسقا، اۋرۋحانا عيماراتىن قايتا جاڭارتۋعا جوبالاۋ-سمەتالىق قۇجاتتاما ازىرلەنۋدە (جوبالاۋ-سمەتالىق قۇجاتتامانى اياقتاۋ – 2023 جىلعى III توقسان)»، - دەدى قالا جەتەكشىسى.

ونىڭ ايتۋىنشا، №4 جانە №10 جەدەل جاردەم پودستانسيالارىنىڭ جاڭا عيماراتتارىن سالۋعا جوبالاۋ-سمەتالىق قۇجاتتاما ازىرلەنۋدە. جوبالاۋ-سمەتالىق قۇجاتتاما 2023 جىلدىڭ 4ء-شى توقسانىندا اياقتالادى.

"دۋمان" شاعىناۋدانىندا ءبىر اۋىسىمدا 500 ادام قابىلدايتىن جاڭا زاماناۋي ەمحانانى سالۋ جوسپارلانۋدا. قازىرگى ۋاقىتتا جوبالاۋ-سمەتالىق قۇجاتتاما ازىرلەنۋدە، اياقتالۋ مەرزىمى – 2023 جىلدىڭ 4ء-شى توقسانى. 2023-2024 جىلدارى قالا اكىمدىگى «شىعىس قاقپاسى» پوليورتالىعىنىڭ اۋماعىندا 2 اۋقىمدى جوبانى ىسكە اسىرۋ جوسپارلانعان. بۇلار - ونكولوگيالىق ورتالىعى بار 250 توسەكتىك كوپبەيىندى اۋرۋحانا مەن بۇقتىرما كوشەسى بويىندا سپيد ورتالىعى بار 250 توسەكتىك پاللياتيۆتىك كومەك ورتالىعىنىڭ قۇرىلىسى»، - دەدى ەربولات دوسايەۆ.