ساپالى الەۋمەتتىك ينفراقۇرىلىممەن قامتاماسىز ەتۋ باستى ماسەلە دەپ اتاپ ءوتتى الماتى اكىمى ەربولات دوسايەۆ حالىقپەن كەزدەسۋدە
مەكتەپتەر مەن مەكتەپكە دەيىنگى ۇيىمدارداعى ورىن تاپشىلىعى پروبلەمالارىن شەشۋ ءۇشىن اۋدان بويىنشا 9200 ورىندىق 6 جاڭا مەكتەپ جانە 980 ورىندىق 4 بالاباقشا، سونداي-اق 400 ورىندىق 8 جەكە مەنشىك بالاباقشا سالۋ جوسپارلانعان.
ونىڭ ىشىندە 3 مەكتەپتى «جايلى مەكتەپ» ۇلتتىق جوباسى اياسىندا سالۋ جوسپارلانۋدا: ەگىزبايەۆ 9 مەكەن – جايى بويىنشا 2500 ورىندىق، روزىباكييەۆ – ليەۆيتان كوشەلەرىنىڭ قيىلىسىندا 1500 ورىندىق جانە روزىباكييەۆ-قوجابەكوۆ قيىلىسىندا 2000 ورىندىق. قۇرىلىستىڭ باستالۋى وسى جىلدىڭ قىركۇيەك ايىنا جوسپارلانىپ وتىر. الەۋمەتتىك جاۋاپكەرشىلىك شەڭبەرىندە «رامس قازاقستان» قۇرىلىس كومپانياسى «رامس سيتي» مجك اۋماعىندا اعىمداعى جىلدىڭ سوڭىنا دەيىن 1100 ورىندىق مەكتەپ جانە 2 بالاباقشا سالاتىن بولادى. 240 ورىن (ءارقايسىسى 120 ورىن).
«اكۆارەل» تك-دە 300 ورىندىق №189 بالاباقشا پايدالانۋعا بەرىلدى. بۇگىنگى تاڭدا جاراقتاندىرۋ جۇمىستارى جۇرگىزىلۋدە. بالاباقشانىڭ اشىلۋى اعىمداعى جىلدىڭ ماۋسىم ايىنا جوسپارلانعان.