بۇل - مونارحتىڭ پاتشايىم ەليزاۆەتا II قايتىس بولعاننان كەيىن جاسالعان العاشقى مالىمدەمەسى.
ۇلىبريتانيانىڭ جاڭا پاتشاسى چارلز III العاشقى مالىمدەمەسىن جاسادى، دەپ حابارلايدى Almaty-akshamy.kz ربك سايتىنا سىلتەمە جاساپ.
«انامىزدىڭ قايتىس بولۋى مەن ءۇشىن جانە ءبىزدىڭ وتباسىمىزدىڭ بارلىق مۇشەلەرى ءۇشىن ۇلكەن قايعى بولدى. ازا تۇتۋدىڭ بۇل كەزەڭىندە مەن جانە مەنىڭ وتباسىم پاتشايىمنىڭ قۇرمەتىنە قولداۋ كورسەتەمىز. ونىڭ قازاسىن بۇكىل ەل جانە الەمدەگى سانسىز ادامدار تەرەڭ سەزىنەتىنىن بىلەمىن»، - دەلىنگەن پاتشانىڭ حابارلاماسىندا.
ايتا كەتسەك، كارل III ۇلىبريتانيا مونارحى عانا ەمەس، سونداي-اق تاعى 14 تاۋەلسىز مەملەكەتتىڭ پاتشاسى اتاندى. ولار: اۆستراليا، انتيگۋا جانە باربۋدا، باگام ارالدارى، بەليز، گرەنادا، كانادا، جاڭا زەلانديا، پاپۋا-جاڭا گۆينەيا، سەنت-ۆينسەنت جانە گرەنادين، سەنت-كيتس جانە نيەۆيس، سەنت-ليۋسيا، سولومون ارالدارى، تۋۆالۋ جانە يامايكا.