قازاقستان كونستيتۋسياسىنىڭ 18 جانە 32-باپتارىنا رەداكسيالىق ناقتىلاۋشى تۇزەتۋلەر ەنگىزىلەتىن بولادى، ولار ءسوز بوستاندىعى مەن بەيبىت جينالىس قۇقىعىنىڭ كەپىلدىكتەرىنە اسەر ەتپەيدى. بۇل تۋرالى قازاقستان پارلامەنتى ءماجىلىسىنىڭ دەپۋتاتى نيكيتا شاتالوۆ كونستيتۋسيالىق كوميسسيانىڭ ءۇشىنشى وتىرىسىندا مالىمدەدى.
نيكيتا شاتالوۆ اتاپ وتكەندەي، 18 جانە 32-باپتارعا ەنگىزىلەتىن تۇزەتۋلەر ءسوز بوستاندىعى مەن بەيبىت جينالىس قۇقىعىنىڭ كونستيتۋسيالىق كەپىلدىكتەرىنىڭ ءمانىن وزگەرتپەيدى – ولار بۇرىنعى كولەمدە ساقتالادى.
«تەك بۇرىن كونستيتۋسيادا كوزدەلگەن شەكارالار ناقتىلانۋدا. ياعني، ءبىز ءقازىر قوعام ءۇشىن وتە ماڭىزدى وسى نورمالاردى رەسىمدەيمىز. جاڭا تىيىمدار تۋرالى ءسوز جوق، بۇل تەك قولدانىستاعى تەپە-تەڭدىكتى دالىرەك انىقتاۋ، قوعامدا ەكىۇداي تۇسىنىك پەن قاجەتسىز الاڭداۋشىلىق تۋدىرماۋ ءۇشىن»، – دەدى دەپۋتات.