الماتىدا 2026 جىلى ءۇش شاعىناۋداندا 68 شاقىرىمنان استام جولدىڭ قۇرىلىسى مەن قايتا جاڭعىرتۋ جۇمىستارىن اياقتاۋ، سونداي-اق قالانىڭ ءبىرقاتار ماڭىزدى ماگيسترالدارىن ۇزارتۋ جوسپارلانىپ وتىر، - دەپ حابارلايدى aqshamnews.kz ءتىلشىسى.
"2026 جىلى كەلەسى نىسانداردى اياقتاۋ جوسپارلانعان: ءۇش شاعىناۋداندا جالپى ۇزىندىعى 68،5 شاقىرىم جاڭا جول سالۋ. اتاپ ايتقاندا، اقجار شاعىناۋدانىندا – 25،3 شاقىرىم (جۇمىستار 34 پايىزعا ورىندالعان)، بورالدايدا – 10،8 شاقىرىم (50 پايىز)، راحات-مادەنيەتتە – 32،4 شاقىرىم (35 پايىز)"، – دەپ حابارلادى باسقارما.
سونداي-اق، جول-قۇرىلىس جۇمىستارى ينجەنەرلىك كوممۋنيكاسيالار تارتىلعان ۋچاسكەلەردە جۇرگىزىلىپ جاتقانى اتاپ ءوتىلدى. بارلىق جۇمىستى 2026 جىلعى قاراشانىڭ اياعىنا دەيىن اياقتاۋ كوزدەلگەن.
بۇدان بولەك، 2026 جىلى ءبىرقاتار ماڭىزدى قالالىق ماگيسترالداردى ۇزارتۋ جوسپارلانىپ وتىر.
"ءۇش كوشەنى ۇزارتۋ جۇمىستارى اياقتالادى دەپ كۇتىلەدى: سايىن كوشەسى – 3،2 شاقىرىم (70 پايىز)، اباي داڭعىلىن قالا شەكاراسىنا دەيىن ۇزارتۋ – 0،6 شاقىرىم (قوزعالىس اشىلعان، 95 پايىز)، رىسقۇلوۆ كوشەسى – 2،3 شاقىرىم (15 پايىز). سونداي-اق ءبىر ىشكى ماگيسترال – تولە بي كوشەسى بويىنشا 4،5 شاقىرىم جول (45 پايىز)"، – دەلىنگەن باسقارما حابارلاماسىندا.
باسقارما وكىلدەرى قۇرىلىس-مونتاج جۇمىستارى جەر تەلىمدەرىن ساتىپ الۋ راسىمدەرى اياقتالعان سايىن كەزەڭ-كەزەڭىمەن جۇرگىزىلىپ جاتقانىن اتاپ ءوتتى.