باۋىرجان مومىش ۇلى – قازاق حالقىنىڭ جاۋىنگەرلىك رۋحىن، باتىرلىق بولمىسىن جانە پاراساتتى ويلاۋ مادەنيەتىن الەمگە تانىتقان بىرەگەي تۇلعا. Aqshamnews.kz ءتىلشىسى باتىردىڭ ومىرىنە قاتىستى كوپشىلىك بىلە بەرمەيتىن جانە قىزىقتى دەرەكتەر توپتاماسى ۇسىنادى.
1. باۋىرجان مومىش ۇلى 1910 جىلعى 24 جەلتوقساندا جامبىل وبلىسى جۋالى اۋدانىنداعى مىڭبۇلاق اۋىلىندا دۇنيەگە كەلگەن.
2. شىققان تەگى – دۋلات تايپاسىنىڭ شىمىر رۋى.
3. اناسى ءرازيا ەرتە قايتىس بولىپ، ول ءۇش جاسىنان باستاپ اجەسى قىزتۋماستىڭ قولىندا تاربيەلەنگەن.
4. بالالىق شاعىندا "شاڭتيمەس" دەگەن لاقاپ اتى بولعان.
5. 1921 جىلى اسا ينتەرناتىنداعى باستاۋىش مەكتەپكە وقۋعا تۇسكەن.
6. 1924 جىلدان باستاپ شىمكەنتتەگى وڭىردە العاش اشىلعان جەتىجىلدىق مەكتەپتە ءبىلىم العان.
7. 1928 جىلى مەكتەپتى ۇزدىك ءبىتىرىپ، ورىنبور قالاسىنداعى قازاق پەداگوگيكالىق ينستيتۋتىنا وقۋعا تۇسكەن.
8. 1928-1930 جىلدارى باستاۋىش مەكتەپتە ءمۇعالىم بولىپ جۇمىس ىستەگەن.
9. ءبىر سىنىپتا ايگىلى اقىن ءابدىلدا تاجىبايەۆ جانە قوعام قايراتكەرى قۇرمانبەك ساعىندىقوۆپەن بىرگە وقىعان.
10. بىرنەشە سالادا قىزمەت اتقارىپ، اۋداندىق اتقارۋ كوميتەتىندە جاۋاپتى حاتشى، اۋداندىق ميليسيادا قىزمەتكەرى دە بولعان.
11. قارجى سالاسىنا دا جەتىك بولىپ، شىمكەنت ونەركاسىپ بانكىندە ەكونوميست قىزمەتىن اتقارعان.
12. 1932–1934 جىلدارى قىزىل ارميا قاتارىندا اسكەري قىزمەت وتكەرگەن.
13. 1933 جىلى پولك مەكتەبىن اياقتاعان.
14. ۇلى وتان سوعىسىنا 1941 جىلدىڭ قىركۇيەك ايىنان باستاپ گەنەرال-مايور ي.ۆ. پانفيلوۆ باسقارعان ايگىلى ديۆيزيا قۇرامىندا قاتىسقان.
15. ماسكەۋ ءۇشىن شايقاس كەزىندە باتالون كومانديرى رەتىندە 207 رەت ۇرىسقا قاتىسقان.
16. سوعىس جىلدارىندا ديۆيزيا باسقارعان ەكى قازاقتىڭ ءبىرى بولعان.
17. كەڭەس داۋىرىندە مەملەكەتتىك سىيلىقتىڭ لاۋرەاتى اتانعان.
18. قىزىل تۋ، ەڭبەك قىزىل تۋ، حالىقتار دوستىعى، ءى دارەجەلى وتان سوعىسى، ەكى مارتە قىزىل جۇلدىز، قۇرمەت بەلگىسى وردەندەرىمەن ماراپاتتالعان.
19. قازاقستان تاۋەلسىزدىك العاننان كەيىن وعان "حالىق قاھارمانى" اتاعى بەرىلگەن.
20. قازاق جانە ورىس تىلدەرىندە اسكەري-پاتريوتتىق باعىتتاعى كوپتەگەن شىعارمالار جازعان.
21. "ۇشقان ۇيا"، "ماسكەۋ ءۇشىن شايقاس"، "جاۋىنگەردىڭ تۇلعاسى" سياقتى ەڭبەكتەرى بىرنەشە تىلگە اۋدارىلعان.
22. باۋىرجان مومىش ۇلى بىرنەشە رەت شاڭىراق كوتەرگەن.
23. العاشقى جارى ءبيبىجامال مۇقانقىزىنان باقىتجان ەسىمدى ۇلى دۇنيەگە كەلگەن.
24. ۇلى باقىتجان دا جازۋشىلىقپەن اينالىسقان.
25. ەكىنشى رەت شاڭىراق كوتەرگەن جۇبايى - ۆەرا سترويەۆا ونىڭ ادەبيەتكە كەلۋىنە اسەر ەتكەن.
26. كلاۆديا كوركينا ەسىمدى ايەلىنەن ەلەنا اتتى قىزى تۋعان.
27. ءومىرىنىڭ سوڭىن جۇبايى - باقىتجامال قاليبەكقىزىمەن 13 جىل بىرگە ءومىر سۇرگەن.
ەسكە سالايىق، بۇگىن داڭقتى قولباسشى، باتىر باۋىرجان مومىش ۇلىنىڭ تۋعانىنا - 115 جىل.
باتىردىڭ ءور مىنەزى مەن ەرلىگى جايلى، قايسار مىنەزى جايلى ونىڭ جازعان كىتاپتارىنان-اق ءبىلىنىپ تۇرادى. وسى مىنەزىنە قاراپ، باۋىرجانداي نار تۇلعالى، وجەت مىنەزدى باتىر بولسىن دەگەن نيەتپەن باتىردىڭ اتى قويىلعان قازاقستاندىقتار از ەمەس.
ۇلتتىق ستاتيستيكا بيۋروسىنىڭ مالىمەتى بويىنشا، قازاقستاندا 43482 "باۋىرجان" ەسىمدى ازامات بار. بيۋرو مالىمەتىنشە، ودان بولەك، 16820 ادامنىڭ قۇجاتىندا "باۋرجان" دەپ جازىلسا، 15 قازاقستاندىق "باۋردجان" دەپ كورسەتىلگەن.