كەيىننەن، جىل سايىن، كۇنتىزبەلىك جىل ىشىندە الىنعان كىرىستەر، مۇلىكتى قازاقستاندا دا، ودان تىس جەرلەردە دە ساتىپ الۋ نەمەسە يەلىكتەن شىعارۋ تۋرالى مالىمەتتەردى، سونداي-اق ولاردى ساتىپ الۋ شىعىندارىن جابۋ كوزدەرىن كورسەتەتىن كىرىستەر مەن مۇلىك تۋرالى دەكلاراسيا (270.00 نىسانى) ۇسىنىلادى، دەپ حابارلايدى اlmaty-akshamy.kz.
وندا: - تابىس (جالعا الۋدان، جىلجىمايتىن مۇلىكتى ساتۋدان، كولىكتەن، باعالى قاعازداردان، سيفرلىق اكتيۆتەردەن، شەتەلدەن تۇسەتىن كىرىستەردەن جانە ت.ب.)؛
- سالىق شەگەرىمدەرى (مەديسينالىق قىزمەتكە، ءبىلىم بەرۋگە، يپوتەكالىق تولەمدەرگە، مۇگەدەكتەرگە ستاندارتتى شەگەرىم – جىلىنا 3 ملن. تەڭگە)
- مۇلىكتى، ونىڭ ىشىندە وتەۋسىز الىنعانداردى (جىلجىمايتىن مۇلىك، كولىك، باعالى قاعازدار، سيفرلىق اكتيۆتەر جانە ت.ب.)
ساتىپ الۋ/ساتۋ - قىمبات مۇلىكتى ساتىپ الۋ كوزدەرى - باعالى قاعازدار، سيفرلىق اكتيۆتەر (بيتكويندەر جانە ت.ب.)
- ۇلەستىك قاتىسۋ شارتى (تۇرعىن ۇيدەگى ۇلەس)
- ينۆەستيسيالىق التىن (قۇيما التىن)
- جەكە تۇلعالاردىڭ نوتاريالدى كۋالاندىرىلعان نەسيە شارتتارى
- شەتەلدىك كومپانياعا قاتىسۋ ۇلەسى
- شەتەلدەگى جىلجىمايتىن مۇلىك جانە كولىك
- شەتەل بانكىندەگى 7،3 مىڭ اقش دوللارىنان (1000 اەك) جوعارى اقشا
شەتەلدە جانە قازاقستاندا ورنالاسقان اكتيۆتەردى بارىنشا سەنىمدى تۇردە جاريالاۋ قاجەت. الداعى ۋاقىتتا سالىق سالىناتىن تابىستى انىقتاۋ كەزىندە اكتيۆتەردىڭ قۇنى ەسكەرىلەتىن بولادى.