پرينتمەديا تەحنولوگيالار كوللەدجىندە 2025 جىلعى 24 ساۋىردە وتكەن مەرەكەلىك ءىس-شارا – جۇمىسشى ماماندىقتارىنىڭ بەدەلىن ارتتىرۋ باعىتىنداعى ماڭىزدى قادامداردىڭ ءبىرى بولدى.
2024-2025 وقۋ جىلىندا اتالمىش وقۋ ورنىنان 534-كە جۋىق تۇلەك پوليگرافيا جانە باسقا دا سۇرانىسقا يە جۇمىسشى ماماندىقتارى بويىنشا ديپلوم الىپ، ەڭبەك جولىن باستاۋعا دايىن. بۇل — كاسىبي ءبىلىم بەرۋ جۇيەسىنىڭ ناقتى ناتيجەسى مەن ساپاسىنىڭ ايعاعى.
كاسىبي تاجىريبەدەن وتكەن ستۋدەنتتەرگە جۇمىس بەرۋشىلەر تاراپىنان «التىن سەرتيفيكات» تابىستالۋى — ولاردىڭ ەڭبەگىنە بەرىلگەن جوعارى باعا. بۇل سەرتيفيكات — تەك قۇرمەت قانا ەمەس، بولاشاققا دەگەن سەنىمنىڭ نىشانى. مۇنداي جۇيە جاستاردىڭ تەوريانى تاجىريبەمەن ۇشتاستىرىپ، ناقتى وندىرىستىك ورتادا بىلىكتىلىك الۋىنا مۇمكىندىك بەرەدى.
50 ۇزدىك تۇلەك – مانساپ جولىندا نىق قادام
«جۇمىسشى ماماندىقتار جىلى» اياسىندا ۇيىمداستىرىلعان بۇل ءىس-شارادا كوللەدجىمىزدىڭ 50 شاقتى ۇزدىك تۇلەگى «التىن سەرتيفيكاتپەن» تابىستالىپ، تۇراقتى جۇمىسقا ورنالاستى. ولار وزدەرىنىڭ كاسىبي جەتىستىكتەرىمەن كوللەدج ابىرويىن كوتەرىپ، ونى مانساپ جولىنا شىعاردى.
پوليگرافيا سالاسى – نارىقتىڭ قاجەتتى باعىتى
بۇگىندە پوليگرافيا سالاسى – نارىقتا جوعارى سۇرانىسقا يە، قارقىندى دامىپ كەلە جاتقان باعىتتاردىڭ ءبىرى. باسپا ونىمدەرىنە، قاپتامالارعا، جارنامالىق ماتەريالدارعا جانە سان الۋان پوليگرافيالىق قىزمەتتەرگە دەگەن قاجەتتىلىك ارتىپ كەلەدى. سوندىقتان بۇل سالادا ءبىلىم العان بىلىكتى ماماندار – ەڭبەك نارىعى ءۇشىن اسا قۇندى.
ءىس-شارا بارىسىندا ۇزدىك تۇلەكتەردى ماراپاتتاۋعا ءبىزدىڭ سەنىمدى سەرىكتەس جۇمىس بەرۋشىلەرىمىز دە بەلسەندى اتسالىستى. اتاپ ايتقاندا:
- حۋساينوۆا ساۋلە كامييەۆنا – ج ش س رپبك «ءداۋىر» باسپاحاناسىنىڭ وندىرىستىك-تەحنيكالىق قامتاماسىز ەتۋ ءبولىمىنىڭ باسشىسى،
- ماۋلۋنبەردوۆ نۋرلان – توو «باسپاگەر» كومپانياسىنىڭ ساتۋ جونىندەگى ديرەكتورى،
- يلاحۋنوۆ ابدۋشكەر سابيروۆيچ – توو «Easy Pack PRO» كومپانياسىنىڭ ديرەكتورى،
- بالگابايەۆ داۋلەت اليمبايەۆيچ – توو «Smart university press» باسپاسىنىڭ ديرەكتورى،
- ي. ت. بەگالييەۆ – توو «پوليگرافكومبينات» ديرەكتورى،
جاس تۇلەكتەرگە سالتاناتتى تۇردە «التىن سەرتيفيكات» تابىستاپ، ولاردىڭ ەڭبەك جولىنداعى العاشقى جەتىستىگىن اتاپ ءوتتى.
«التىن سەرتيفيكات» يەگەرلەرى – تەك وزدەرىنىڭ جەكە جەتىستىگىن عانا ەمەس، بۇكىل كاسىبي ءبىلىم بەرۋ جۇيەسىنىڭ ساپالى ناتيجەسىن كورسەتتى. بۇل ماراپات – جاستاردىڭ جىگەرىن جانىپ، مەملەكەت تاراپىنان كورسەتىلگەن سەنىم مەن قولداۋدىڭ ناقتى كورىنىسى. پوليگرافيا سەكىلدى ەڭبەك نارىعىندا سۇرانىسقا يە باعىتتار بويىنشا كاسىبي ماماندار دايارلاۋ – ەل ەكونوميكاسىنىڭ تۇراقتى دامۋىنا قوسىلاتىن ماڭىزدى ۇلەس. بۇل سەرتيفيكات – وقۋ جەتىستىكتەرىنەن كاسىبي ءبىلىم، بىلىك پەن ۇمتىلىستى ناقتى ىسكە اسىرۋ كەزەڭىنە ءوتۋ نۇكتەسىن بىلدىرەدى. ول تۇلەكتىڭ تاڭداعان ماماندىعىنا دەگەن ادالدىعى مەن دايىن ەكەنىن ايقىندايتىن سيمۆولعا اينالدى. التىن سەرتيفيكات – تۇلەكتەردىڭ تاباندىلىعى مەن ەڭبەكقورلىعىنا كورسەتىلگەن شىنايى العىس بەلگىسى، ءارى ولاردىڭ كاسىبي جولداعى العاشقى ماڭىزدى قادامىن بىلدىرەتىن مارتەبەلى ماراپات. سەرتيفيكات يەگەرلەرى ەندى كاسىبي ماماندار قاتارىندا. بولاشاقتارى – جەتىستىككە، وسىمگە جانە ءوزارا قۇرمەتكە تولى بولارىنا سەنىم مول. بۇل قادام – ۇلكەن جەتىستىكتەردىڭ العاشقىسى بولعاي!
