الماتىدا حالىقارالىق القالى جيىن ءوتتى
الماتى قالاسىندا «زەرتتەۋ ۋنيۆەرسيتەتىنىڭ قازاقستاندىق مودەلى – 20 جىلدىق دامۋ تاجىريبەسى» اتتى حالىقارالىق فورۋم جانە تمد جەتەكشى اگرارلىق جوو رەكتورلارى كەڭەسىنىڭ كەڭەيتىلگەن وتىرىسى بولىپ ءوتتى دەپ حابارلايدى almaty-akshamy.kz
قازاق ۇلتتىق اگرارلىق زەرتتەۋ ۋنيۆەرسيتەتىنىڭ بازاسىندا وتكەن فورۋمنىڭ نەگىزگى ماقساتى – ۇلتتىق زەرتتەۋ ۋنيۆەرسيتەتىنە ترانسفورماسيالانۋ بويىنشا قازۇازۋ-دىڭ ءوز تاجىريبەسىن تاراتۋ، تمد ەلدەرىنىڭ اگرارلىق جوعارى وقۋ ورىندارىنىڭ ىنتىماقتاستىعىن دامىتۋ، جوعارى جانە جوعارى وقۋ ورنىنان كەيىنگى ءبىلىم، عىلىم سالاسىنداعى ناتيجەلەرمەن الماسۋ جانە اگرارلىق ءبىلىم مەن عىلىمنىڭ ساپاسىن ارتتىرۋ ءۇشىن ءتيىمدى جانە سىندارلى باسقارۋ شەشىمدەرىن قابىلداۋ بولىپ تابىلادى.
ءىس-شاراعا ق ر اۋىل شارۋاشىلىعى ءمينيسترى ەربول قاراشوكەيەۆ، الماتى قالاسى اكىمىنىڭ ورىنباسارى ارمان قىرىقبايەۆ، «ۇاعبو» كەاق باسقارما ءتوراعاسى دارحان بالپانوۆ، قازاقستان رەسپۋبليكاسىنىڭ عىلىم جانە جوعارى ءبىلىم ۆيسە-مينيسترى قۋانىش ەرعالييەۆ (ونلاين فورماتتا)، مەملەكەت جانە قوعام قايراتكەرى، اقىن، جازۋشى، قازاقستاننىڭ ەڭبەك ەرى ولجاس سۇلەيمەنوۆ، QS ۇلتتىق اگرارلىق ءعىلىمي-بىلىم بەرۋ ورتالىعىنىڭ ايماقتىق ديرەكتورى سەرگەي حريستوليۋبوۆ، تاۋەلسىز مەملەكەتتەر دوستاستىعى ەلدەرىنىڭ جەتەكشى اگرارلىق جوعارى وقۋ ورىندارى رەكتورلار كەڭەسىنىڭ مۇشەلەرى، قازاقستان، تمد جانە شەتەلدىك جوعارى وقۋ ورىندارىنىڭ رەكتورلارى، ق ر ۇلتتىق عىلىم اكادەمياسىنىڭ اكادەميكتەرى مەن عىلىمي ۇيىمداردىڭ جەتەكشىلەرى قاتىستى.
فورۋمدى اشقان ق ر اۋىل شارۋاشىلىعى ءمينيسترى ەربول قاراشوكەيەۆ ق ر پرەزيدەنتى قاسىم-جومارت توقايەۆتىڭ قۇتتىقتاۋ لەبىزىن جەتكىزدى.
مينيستر ە.قاراشوكەيەۆتىڭ ايتۋىنشا، ەلىمىزدىڭ اگرارلىق سەكتورىن دامىتۋ بۇگىندە ۇلتتىق ەكونوميكانىڭ جەدەل ءوسۋىنىڭ نەگىزگى بۋىنى بولىپ تابىلادى. 2025 جىلدىڭ سوڭىنا دەيىن ەسەپتەلگەن جاڭا ۇلتتىق جوبادا كورسەتىلگەن اگروونەركاسىپتىك كەشەننىڭ باستى مىندەتى – ەلدى نەگىزگى ازىق-تۇلىكپەن تولىق قامتاماسىز ەتۋ ەكەنى اتاپ ايتىلدى.
«بۇل ماسەلەنى شەشۋ ءۇشىن باسەكەگە قابىلەتتىلىكتى ارتتىرۋدى جەدەلدەتۋ، عالىمداردىڭ عىلىمي زەرتتەۋلەرىنىڭ ناتيجەلەرىن وندىرىسكە، سونداي-اق يننوۆاسيالىق تەحنولوگيالارعا ەنگىزۋ جانە ءتيىمدى اگروتەحنولوگيالار ترانسفەرتىن جۇزەگە اسىرۋ قاجەت. ءبىزدىڭ جوعارى وقۋ ورىندارىمىزدىڭ عىلىمي الەۋەتى جوعارى ەكەنى بارشاعا ءمالىم. بولاشاق ماماندار جاڭا ءبىلىمنىڭ اياسىندا تاربيە الادى، ءارى بولاشاقتا وندىرىستە ءتيىمدى باسقارۋ شەشىمدەرىن قابىلداۋعا قابىلەتتى يننوۆاسيالىق تەحنولوگيالاردى يگەرەتىن ساپالى كادرلار قاتارىن تولىقتىرادى. ءىس جۇزىندە قازۇازۋ-دىڭ «ءبىلىم-عىلىم-وندىرىس» يننوۆاسيالىق سيپاتتاعى ناتيجەلەرى وتاندىق اگروكەشەننىڭ دامۋىنا ۇلكەن اسەر ەتەتىنىن كورىپ وتىرمىز»،– دەپ اتاپ ءوتتى مينيستر.
وسى فورۋمدى وتكىزۋ قارساڭىندا بيىلعى 6 ماۋسىمدا جىل سايىنعى ون ءۇشىنشى حالىقارالىق جازعى مەكتەپ جۇمىسىن باستاعانى بەلگىلى. وعان امەريكا، ەۋروپا، تىنىق مۇحيتى ءوڭىرى مەن تمد-نىڭ 33 ەلىنىڭ وكىلدەرى: 260 تىڭداۋشى وفلاين جانە 250 تىڭداۋشى ونلاين-رەجيمدە قاتىسۋدا. ال 96 شەتەلدىك عالىم – الەمنىڭ جەتەكشى جوعارى وقۋ ورىندارى مەن عىلىمي ورتالىقتارىنىڭ وكىلدەرى.
سونداي-اق، 8-9 ماۋسىمدا يسلام ىنتىماقتاستىعى ۇيىمىنا مۇشە 57 ەلدىڭ قاتىسۋىمەن ازىق-تۇلىك قاۋىپسىزدىگى جونىندەگى يسلام ۇيىمىنىڭ جوعارى دەڭگەيدەگى فورۋمى ءساتتى ءوتتى. وندا يىۇ ەلدەرىندەگى ازىق-تۇلىك قاۋىپسىزدىگىنىڭ ەڭ وزەكتى ماسەلەلەرى قارالدى. مىسالى، اۋىل شارۋاشىلىعى داقىلدارىنىڭ شىعىمدىلىعىن ارتتىرۋ، جانۋارلاردىڭ ونىمدىلىگىن ارتتىرۋ تابيعي اپاتتاردان، اتاپ ايتقاندا، قۇرعاقشىلىق كەزىندەگى تاۋەكەلدەردى ازايتۋ، جايىلىمداردى سۋلاندىرۋ ءۇشىن ەنەرگيا كوزدەرىنىڭ تاپشىلىعى، اۋىل شارۋاشىلىعى ونىمدەرىن قايتا وڭدەۋ، ازىق-تۇلىك ونىمدەرىنە باعانىڭ ءوسۋ سەبەپتەرى تالقىلاندى. ەكونوميكانىڭ اگرارلىق سالاسىنا ينۆەستيسيالار تارتۋ جولدارى، ۋنيۆەرسيتەتتەردىڭ، جاستار مەن ايەلدەردىڭ ازىق-تۇلىك قاۋىپسىزدىگىن قامتاماسىز ەتۋدەگى ءرولى سياقتى نەگىزگى ماسەلەلەر قارالدى. فورۋم اياسىندا ۋنيۆەرسيتەتتە ازىق-تۇلىك قاۋىپسىزدىگى بويىنشا حالىقارالىق زەرتتەۋ ورتالىعى جانە حالال اشىلدى، ول يىۇ ەلدەرىندە ازىق-تۇلىك قاۋىپسىزدىگىن قامتاماسىز ەتۋ بويىنشا بارلىق اگرارلىق عالىمدار مەن حالىقارالىق ساراپشىلاردىڭ كۇش-جىگەرىن شوعىرلاندىرۋ ءۇشىن ديالوگ الاڭىنا اينالادى.
بۇگىنگى تاڭدا قازاق ۇلتتىق اگرارلىق زەرتتەۋ ۋنيۆەرسيتەتى ءىس جۇزىندە ەلىمىزدىڭ باسەكەگە قابىلەتتىلىگىنە ناقتى اسەر ەتەتىن اگرارلىق سەكتوردى جەدەل دامىتۋدى ءبىلىم بەرۋ، عىلىمي، يننوۆاسيالىق قىزمەتىنىڭ يادروسىنا اينالدى.
فورۋم اياسىندا تمد-نىڭ جەتەكشى اگرارلىق جوعارى وقۋ ورىندارى رەكتورلارى كەڭەسىنىڭ كەڭەيتىلگەن وتىرىسى ءوتتى. وندا جوعارى ءبىلىم بەرۋدىڭ وزەكتى ماسەلەلەرى مەن ونى دامىتۋ پەرسپەكتيۆالارى ەگجەي-تەگجەيلى قارالدى. فورۋمعا قاتىسۋشىلار بىرلەسكەن بەلسەندى جۇمىستار ءۇشىن ءوز ريزاشىلىقتارىن ءبىلدىرىپ، تمد-نىڭ جەتەكشى اگرارلىق جوعارى وقۋ ورىندارى رەكتورلارى كەڭەسى قىزمەتىنىڭ بارلىق باعىتتارى بويىنشا جەمىستى ىنتىماقتاستىقتى جالعاستىرۋعا كەلىستى.