اۆتوكولىك الۋعا ارنالعان جەڭىلدەتىلگەن نەسيە بەرۋ باعدارلاماسى اياسىنداعى 188 ملرد تەڭگە اينالىمدا قالادى.
بۇل تۋرالى سەناتتاعى پارلامەنتتىك تىڭداۋدان كەيىن تىلشىلەرگە پرەمەر-مينيستردىڭ ءبىرىنشى ورىنباسارى رومان سكليار ايتتى، دەپ حابارلايدى Almaty-akshamy.kz.
«كولىك الۋعا جەڭىلدەتىلگەن نەسيە بەرۋ باعدارلاماسىنا توقتالساق، 188 ملرد تەڭگە ريەۆولۆەرلىك نەگىزدە وسى جۇيە بويىنشا يگەرىلىپ جاتىر. اتاپ ايتقاندا، ەلىمىزدە بۇل باعدارلاماعا ايتارلىقتاي سۇرانىس بار. ازىرگە سالىنعان 188 ملرد تەڭگە جەتكىلىكتى دەپ سانايمىز. جاقىن ارادا اينالىمداعى وسى قاراجاتقا قوسىمشا اقشا بولىنبەيدى. سەبەبى ەلىمىزدە جۇزەگە اسىراتىن باسقا دا ماڭىزدى مىندەتتەر بار»، - دەدى ر. سكليار.
سونىمەن قاتار ول اتالعان باعدارلاما اياسىندا قاراجات اينالىمدا قالاتىنىن ايتتى.
«باعدارلاما تۇراقتى نەگىزدە ىسكە اسىرىلادى. ءبىراق ونىڭ اياسىندا بەرىلەتىن نەسيە سانىنا قاتىستى ءۋاج ايتىلىپ جاتقانى بەلگىلى. الداعى ۋاقىتتا دا ريەۆولۆەرلىك نەگىزدە قارجىلاندىرۋ جالعاسادى، ياعني وسى اينالىمداعى قاراجاتتى باسقا ماقساتتارعا جۇمسامايمىز»، - دەدى ۇكىمەت باسشىسىنىڭ ءبىرىنشى ورىنباسارى.