يندۋستريا جانە ينفراقۇرىلىمدىق دامۋ مينيسترلىگى جەڭىلدەتىلگەن اۆتونەسيە باعدارلاماسىن جۇزەگە اسىرۋعا قاتىستى ستاتيستيكالىق دەرەكتەردى جاريا ەتتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«جەڭىلدەتىلگەن اۆتونەسيە باعدارلاماسى 2022 جىلدىڭ باسىندا جيناقتالعان ۋتيلالىم قاراجاتىن ۇتىمدى ءارى ءتيىمدى پايدالانۋ ادىسىنە قاتىستى پرەزيدەنت بەرگەن تاپسىرما اياسىندا ىسكە قوسىلعان بولاتىن. جيناقتالعان قاراجات ەسەبىنەن ريەۆولۆەرلىك-قايتارىم نەگىزىندە جەڭىلدەتىلگەن اۆتونەسيە باعدارلاماسى ىسكە قوسىلدى. بۇل ماقساتقا بولىنگەن 100 ملرد تەڭگە حالىقتىڭ 12 650 اۆتوموبيل ساتىپ الۋىن قامتاماسىز ەتۋ»، - دەپ حابارلادى ۆەدومستۆودان اگەنتتىكتىڭ رەسمي ساۋالىنا وراي.
سونىمەن قاتار قايتارىلعان ريەۆولۆەرلك قاراجات ەسەبىنەن 640 اۆتوموبيل ساتىپ الىندى. باعدارلاما بويىنشا جالپى 13 342 ادام كولىككە يە بولدى.
«دەگەنمەن، قولدا بارا قاراجات ەسەبىنەن حالىقتىڭ باسىم بولىگىنىڭ قاجەتتىلىگىن ءتيىمدى قامتاماسىز ەتۋ جانە قاناعاتتاندىرۋ مىندەتى تۇر جانە دە جەڭىلدەتىلگەن اۆتونەسيە باعدارلاماسىن اۆتوبۋستاردى جەڭىلدىكپەن نەسيەلەۋ باعدارلاماسىنا قايتا باعدارلاۋ جۇكتەلگەن مىندەتكە ساي كەلەدى. قازىرگى ۋاقىتتا قالالىق اۆتوبۋس پاركتەرىندە 10 525 جولاۋشىلار كولىگى بار. ولاردىڭ 46 پايىزى توزعان. بۇل كورسەتكىش كەيبىر قالالاردا 90 پايىزعا دەيىن جەتەدى. سول ارقىلى قىزمەت ساپاسى مەن تاسىمالداۋ قاۋىپسىزدىگىن قامتاماسىز ەتە المايدى»، - دەلىنگەن جاۋاپتا.
مۇنان بولەك، مينيسترلىك ەل تۇرعىندارىنىڭ ەكونوميكالىق بەلسەندى توبىنىڭ باسىم بولىگى كۇندەلىكتى قالالىق قوعامدىق كولىكپەن جۇرەدى. ولار كۇنىنە 9،3 ملن رەت اۆتوبۋسپەن قاتىنايدى.
«جەڭىلدەتىلگەن اۆتونەسيە باعدارلاماسىن اۆتوبۋستاردى جەڭىلدىكپەن نەسيەلەۋ باعدارلاماسىنا قايتا باعدارلاۋ ساناۋلى ادامنىڭ اۆتوموبيل ساتىپ الۋ قاجەتتىلىگىن قاناعاتتاندىرعاننان گورى حالىقتىڭ كۇندەلىكتى جايلى ءالى ساپالى قاتىناۋ ماەلەسىن بارىنشا بەلسەندى شەشۋگە مۇمكىندىك بەرەدى. وسىعان وراي جەڭىلدەتىلگەن اۆتونەسيە باعدارلاماسى ءوز مىندەتىن جۇزەگە اسىردى جانە دە ول باسقا باعىتتا جۇزەگە اسىرىلۋىن جالعاستىرۋدا»، - دەدى مينيسترلىكتەن.