پرەزيدەنت ءتيىستى جارلىققا قول قويدى.
جازۋشى يليا جاقانوۆ پەن عالىم تورەگەلدى شارمانوۆ «قازاقستاننىڭ ەڭبەك ەرى» اتاندى. مەملەكەت باسشىسى بۇگىن ءتيىستى جارلىققا قول قويدى، دەپ حابارلايدى Almaty-akshamy.kz اقوردانىڭ رەسمي سايتىنا سىلتەمە جاساپ.
قازاقستان رەسپۋبليكاسىنىڭ مەملەكەتتىك ناگرادالارىمەن ناگرادتاۋ تۋرالى قاۋلى ەتەمىن:
- قازاقستان رەسپۋبليكاسىنىڭ الەۋمەتتىك-گۋمانيتارلىق دامۋىنداعى اسا ۇزدىك جەتىستىكتەرى ءۇشىن: جوعارى دارەجەلى ەرەكشەلىك بەلگىسى – «قازاقستاننىڭ ەڭبەك ەرى» اتاعى بەرىلىپ، ايرىقشا ەرەكشەلىك بەلگىسى – التىن جۇلدىز تاپسىرىلسىن: جاقانوۆ يليا – جازۋشى، اتىراۋ قالاسى.
- قازاقستان رەسپۋبليكاسىنىڭ دەنساۋلىق ساقتاۋ سالاسىن دامىتۋداعى اسا ۇزدىك جەتىستىكتەرى ءۇشىن: جوعارى دارەجەلى ەرەكشەلىك بەلگىسى – «قازاقستاننىڭ ەڭبەك ەرى» اتاعى بەرىلىپ، ايرىقشا ەرەكشەلىك بەلگىسى – التىن جۇلدىز بەن «وتان» وردەنى تاپسىرىلسىن: شارمانوۆ تورەگەلدى – قازاق تاعامتانۋ اكادەمياسىنىڭ پرەزيدەنتى، الماتى قالاسى.
وسى جارلىق قول قويىلعان كۇنىنەن باستاپ قولدانىسقا ەنگىزىلەدى. قازاقستان رەسپۋبليكاسىنىڭ پرەزيدەنتى ق.توقايەۆ نۇر-سۇلتان، اقوردا، 2022 جىلعى 17 ناۋرىز № 838.