مەنىڭ بارلىق چەمپيوندى نوكاۋتقا تۇسىرەتىندەي قابىلەتىم بار
WBO تۇجىرىمى بويىنشا ورتا سالماقتاعى الەم چەمپيونى قازاقستاندىق جانىبەك ءالىمحان ۇلى (12-0، 8 كو) العا قويعان ماقساتى تۋرالى ايتتى، دەپ حابارلايدى Almaty-akshamy.kz Tengrinews.kz-كە سىلتەمە جاساپ.
ءالىمحان ۇلى امەريكالىق دجەرمالل چارلوعا قارسى رينگكە شىعىپ، ودان WBC بەلبەۋىن تارتىپ العىسى كەلەتىنىن مالىمدەدى.
"چارلومەن جەكپە-جەك وتكىزىپ، WBC بەلبەۋىن العىم كەلەدى. بۇل مەن ءۇشىن وڭاي بولاتىنىنا سەنىمدىمىن. مەن جەڭىل بولادى دەسەم، دەمەك، راسىمەن سولاي. مەن ەكى ەكس-چەمپيوندى (روب برانت پەن حاسسان نجيكام) جانە جەڭىلمەگەن بوكسشىنى (دەنني ديگنۋم) نوكاۋتقا تۇسىرگەنمىن. مەن - الەم چەمپيونىمىن. مەنىڭ بارلىق چەمپيوندى نوكاۋتقا تۇسىرەتىندەي قابىلەتىم بار. كەلەسى كىم؟" - دەپ بەرەدى جانىبەكتىڭ ءسوزىن Boxingscene.com.