ماڭعىستاۋ وبلىسىندا پىشاق جاراقاتىنان 44 جاستاعى ايەل قازا تاپتى. مارقۇم – جەتى بالانىڭ اناسى، ولاردىڭ بەسەۋى كامەلەت جاسىنا تولماعان، دەپ حابارلايدى Aqshamnews.kz ءتىلشىسى Lada.kz سايتىنا سىلتەمە جاساپ.
پوليسيا مالىمەتىنشە، وقيعا 29 قاڭتاردا جاڭاوزەن قالاسىندا بولعان. قىلمىس جاسادى دەگەن كۇدىكپەن ايەلدىڭ جۇبايى ۇستالىپ، ۋاقىتشا ۇستاۋ يزولياتورىنا قامالدى.
الدىن الا دەرەك بويىنشا، ەرلى-زايىپتىلار اراسىندا تۇرمىستىق جانجال شىعىپ، سوڭى قايعىلى جاعدايمەن اياقتالعان. اتالعان فاكتى بويىنشا ق ر قىلمىستىق كودەكسىنىڭ 99-بابى 2-بولىگى («ادام ءولتىرۋ») بويىنشا قىلمىستىق ءىس قوزعالىپ، تەرگەۋ امالدارى جۇرگىزىلىپ جاتىر.